Accessibility links

زلهێزانی جیهان بانگهێشته‌که‌ی ئێران بۆ سه‌ردانی ده‌زگا ناوکیـیه‌کانی به‌ گرنگ نازانن

  • VOA News

زلهێزانی جیهان بانگهێشته‌که‌ی ئێران بۆ سه‌ردانی ده‌زگا ناوکیـیه‌کانی به‌ گرنگ نازانن

زلهێزانی جیهان بانگهێشته‌که‌ی ئێران بۆ سه‌ردانی ده‌زگا ناوکیـیه‌کانی به‌ گرنگ نازانن

بڕیاره‌ چه‌ند نێردراوێـکی نێونه‌ته‌وه‌یی سه‌ردانی ده‌زگا ناوکیـیه‌کانی ئێرانی بکه‌ن، به‌ڵام زلهێزانی جیهانی بانگهێشته‌که‌ی ئێرانی په‌یوه‌سـتیان ڕه‌تکردۆته‌وه،‌ وه‌ له‌م بانگهێشـته‌ی ئێران بۆ سه‌ردانی ده‌زگا ناوکیـیه‌کانی وڵاته‌ یه‌کگرتووه‌کانی ئه‌مه‌ریکای لێ بێبه‌شکراوه‌.

له‌و باره‌یه‌وه‌ دیپـلۆماتان ده‌ڵێن چین و ڕووسیا و هه‌روه‌ها یه‌کێتی ئه‌وروپا به‌شـداری له‌ گه‌ڕانه‌که‌ی ئه‌مڕۆ و سبه‌ینێی نێو ده‌زگاکانی ئێرانی ناکه‌ن.

ئه‌وه‌ی جێی ئاماژه‌ یه‌کێتی ئه‌وروپا، ئه‌وه‌ی بانگهێشته‌که‌ی ئێرانی ڕه‌تکردۆته‌وه‌ ده‌ڵێت ئه‌وانه‌ی ده‌بێت ڕێـگایان پـێبدرێت سه‌ردانی دامه‌زاروه‌ ناوکیـیه‌کانی ئێرانی بکه‌ن پـشـکنه‌رانی ئاژانسی وزه‌ی ناوکی نێونه‌ته‌وه‌یـین.

کاربه‌ده‌سـتان ده‌ڵێن به‌ لای که‌م پـێنج وڵات که‌ له‌ جه‌زائیر و کۆبا و میسر و سوریا و هه‌روه‌ها فه‌نزوێلا پـێـکدێن بانگهێشـته‌که‌ی تارانیان بۆ مه‌به‌ستی ئاماژه‌ پـێدراو په‌سه‌ندکردووه‌.

ئه‌وه‌ی شایانی باسه‌ ئه‌م بانگهێشته‌ نائاسایی‌یه‌ی تاران بۆ ئه‌وه‌ی وڵاتان سه‌ردانی ده‌زگا ناوکیـیه‌کانی بکه‌ن به‌ر له‌ سـازدانی خولێـکی وتووێژه‌ له‌سه‌ر پـرۆگرامی ناوکی ئێران، ئه‌وه‌ی بڕیاره‌ له‌ هه‌فته‌ی ئاینده‌دا له‌ شـاری ئسته‌نبوڵی تورکی به‌ڕێوه‌بچێت، وه‌ نوێنه‌رانی به‌ریتانیا و چین و فه‌ره‌نسـا و ڕووسیا و وڵاته‌ یه‌کگرتووه‌کانی ئه‌مه‌ریکا و هه‌روه‌ها ئه‌ڵمانیا له‌گه‌ڵ نوێنه‌رانی ناوکی ئێرانیدا کۆبـبنه‌وه‌.

بابه‌تی په‌یوه‌ندیدار

XS
SM
MD
LG