Accessibility links

ئێران موشه‌ک له‌ نزیک ته‌نگه‌ی هورموز تاقی ده‌کاته‌وه‌

  • VOA News

ئێران موشه‌ک له‌ نزیک ته‌نگه‌ی هورموز تاقی ده‌کاته‌وه‌

ئێران موشه‌ک له‌ نزیک ته‌نگه‌ی هورموز تاقی ده‌کاته‌وه‌

ئه‌مڕۆ ئێران ڕایگه‌یاند که‌ به‌ شێوه‌یه‌کی سه‌رکه‌وتووانه‌ تاقیکردنه‌وه‌ی هاویشتنی چه‌ندان موشه‌کی دژ به‌ که‌شتی ناو ده‌ریای ئه‌نجام داوه‌، وه‌ك به‌شێک له‌ مانۆڕ و مه‌شقی سه‌ربازی که‌ هه‌فته‌ی ڕابردوو ده‌ستیپـێکرد و 10 ڕۆژی خایاند و ئه‌مڕۆ کۆتایی پێ‌هات.

ده‌زگاکانی ڕاگه‌یاندنی حکومی ئێران ده‌ڵێن سوپای پاسدارانی ئێران دوو موشه‌کیان تاقیکردووه‌ته‌وه‌ که‌ مه‌ودایان 300 کیلۆمه‌تره‌ له‌گه‌ڵ موشه‌کێکی دیکه‌ی جۆری زه‌مین دژ به‌ ده‌ریا به‌ مه‌ودایی 200 کیلۆمه‌تر.

ڕاپۆرته‌کان ده‌ڵێن ئه‌مڕۆ له‌ نزیك شاری به‌نده‌ری جه‌سکه‌وه‌ له‌ جێگه‌یه‌کی نزیك له‌ ته‌نگه‌ی ئاوی هورموزه‌وه‌ تاقیکردنه‌وه‌کان سازدران.

ئێران ده‌ڵێت مه‌به‌ستی ئه‌م مه‌شقه‌ سه‌ربازییه‌ بریتیه‌ له‌ نیشاندانی ئاستی ئاماده‌یه‌تی وڵاته‌که‌ له‌ دژی هێرشی دوژمنانه‌.

ئه‌مه‌ریکا و وڵاتانی دیکه‌ی ڕۆژئاوا گومان ده‌که‌ن که‌ ئێران به‌نیازه‌ کڵاوه‌ی ناوه‌کی بۆ موشه‌که‌کانی دروست بکات به‌ڵام ئێران ده‌ڵێت موشه‌که‌کانی جۆری ئاسایین و بۆ به‌رگری کردنن له‌ وڵات.

XS
SM
MD
LG