Accessibility links

سه‌ردانی ئه‌حمه‌دی نه‌ژاد بۆ لوبنان

  • VOA News

سه‌رۆکی ئێران مه‌حمود ئه‌حمه‌دی نه‌ژاد له‌ میانه‌ی پـێشـکه‌شکردنی وتاره‌که‌ی له‌ بنت جبێلی باشوری لوبنان، پـێـنجشه‌ممه‌ 14 ی ده‌ی 2010

سه‌رۆکی ئێران مه‌حمود ئه‌حمه‌دی نه‌ژاد له‌ میانه‌ی پـێشـکه‌شکردنی وتاره‌که‌ی له‌ بنت جبێلی باشوری لوبنان، پـێـنجشه‌ممه‌ 14 ی ده‌ی 2010

ڕۆژی چوارشه‌ممه‌ سه‌رۆکی ئێران مه‌حمود ئه‌حمه‌دی نه‌ژاد به‌ سه‌ردانێـک گه‌یشـته‌ لوبنان و له‌ لایه‌ن سه‌رۆکی په‌رله‌مانی لوبنانی نه‌بیهـ به‌ری و کاربه‌ده‌سـتانی دیکه‌وه‌ پـێشـوازی کرا.

له‌ به‌یروت به‌ هه‌زاران لایه‌نگر له‌و شه‌قامه‌ی که‌ که‌ژاوه‌که‌ی تیادا تێپه‌ڕ ده‌بوو گوڵبارانیان کرد و ئاڵای ئێرانیان به‌رزکردبۆوه‌.

سه‌رۆکی ئێران مه‌حمود ئه‌حمه‌دی نه‌ژاد به‌ ده‌یان هه‌زار له‌ لایه‌نگرانی له‌ بنکه‌ی به‌هێزی حزبوڵڵا له‌ باشوری لوبنان گوت که‌وا ئه‌وان له‌ پایته‌ختی به‌رگری و سه‌رکه‌وتن به‌سه‌ر ئیسرائیلدا ده‌ژین.

ئه‌مڕۆ پـێـنجشه‌ممه‌ سه‌رۆکی ئێران ئه‌م تێبینیـیانه‌ی له‌ گردبوونه‌وه‌یه‌ک ده‌ربڕی له‌ بنت جبێل ئه‌و گونده‌ی که‌ نزیکه‌ی 4 کیلۆمه‌تر له‌ سـنووری ئیسرائیله‌وه‌ دوره‌.

به‌ ده‌یان هه‌زار لایه‌نگر دروشـمیان ده‌دا و ئاڵای ئێران و لوبنانیان ده‌شه‌کانده‌وه‌ له‌گه‌ڵ ئاڵای زه‌رد و سه‌وزی حزبوڵڵا که‌ ئێران پـشـتیوانی لێـده‌کات.

ڕێبه‌ری حزبوڵڵا حه‌سه‌ن نه‌سڕۆڵڵا که‌ به‌ ڕێـگای ڤیدیۆوه‌ بۆ لایه‌نگرانی ده‌دوا خۆشـحاڵی له‌ وته‌که‌ی ئه‌حمه‌دی نه‌ژاد ده‌ربڕی که‌وا گوتی ئیسرائیل ناڕه‌وایه‌ و ده‌بێت له‌ وجوددا نه‌مێنێت. ئه‌و سه‌ردانه‌ مشـتومڕ له‌سه‌ره‌ی ئه‌حمه‌دی نه‌ژاد دوو ڕۆژ ده‌خایه‌نێت.

بابه‌تی په‌یوه‌ندیدار

XS
SM
MD
LG