Accessibility links

سه‌رۆک وه‌زیرانی لوبنان سه‌ردانی ئێران ده‌کات

  • VOA News

سه‌رۆک وه‌زیرانی لوبنان سه‌عه‌د ئه‌لحه‌ریری له‌ لایه‌ن جێـگری سه‌رۆکی ئێران محه‌مه‌د ڕه‌زا ڕه‌حیمی له‌ تاران پـێشـوازی فه‌رمی لێـده‌کرێت، شه‌ممه‌ 27 ی یازده‌ی 2010

سه‌رۆک وه‌زیرانی لوبنان سه‌عه‌د ئه‌لحه‌ریری له‌ لایه‌ن جێـگری سه‌رۆکی ئێران محه‌مه‌د ڕه‌زا ڕه‌حیمی له‌ تاران پـێشـوازی فه‌رمی لێـده‌کرێت، شه‌ممه‌ 27 ی یازده‌ی 2010

ڕۆژی شه‌ممه‌ سه‌رۆک وه‌زیرانی لوبنان گه‌یشته‌ ئێران له‌ کاتێـکدا گرژی سیاسی ڕووبه‌ڕووی لوبنان ده‌بێته‌وه‌ له‌ نێوان به‌ره‌ی سه‌عه‌د حه‌ریریدا که‌ سه‌ر به‌ ڕۆژئاوایه‌ و میلیشـیای حزبوڵڵا که‌ له‌ لایه‌ن ئێرانه‌وه‌ پـشـتیوانی ده‌کرێت.

وا چاوه‌ڕوان‌ده‌کرێت به‌ڕێز حه‌ریری داوای یارمه‌تی له‌ تاران بکات به‌ نه‌هێشتنی که‌وتنه‌وه‌ی ئاژاوه‌ سه‌باره‌ت به‌ دادگای تایبه‌تی نه‌ته‌وه‌ یه‌کگرتووه‌کان که‌ لێـکۆڵینه‌وه‌ ده‌کات له‌ تیرۆرکردنی باوکیدا سه‌رۆک وه‌زیرانی پـێشـوو ڕه‌فیق ئه‌لحه‌ریری له‌ سـاڵی 2005 دا.

ڕاپـۆرته‌کانی میدیا ده‌ڵێن دادگا چه‌ند ئه‌ندامێـکی حزبوڵڵای تاوانبارکردووه‌ له‌ تیرۆرکردنی حه‌ریریدا، به‌ڵام ڕابه‌رانی ئه‌و گرووپه‌ میلیتانه‌ که‌ پـشـتیوانیان لێ ده‌کرێت له‌ لایه‌ن ئێران و سوریاوه‌ هه‌ڕه‌شه‌ی تۆڵه‌ سه‌ندنه‌وه‌ ده‌که‌ن.

دوێنێ شه‌ممه‌ له‌ لای خۆیه‌وه‌ سه‌عه‌د ئه‌لحه‌ریری که‌ ژماره‌یه‌ک وه‌زیر یاوه‌رێتی پـێشـوازیکرد له‌ به‌ڵێنه‌کانی محه‌مه‌د ڕه‌زا ڕه‌حیمی یه‌که‌م جێـگری سه‌رۆک به‌ پته‌وکردنی په‌یوه‌ندی نێوان هه‌ردوولا.

ده‌زگاکانی ڕاگه‌یاندنی ئێران ده‌ڵێن وا چاوه‌ڕوان‌ده‌کرێت له‌ میانه‌ی سه‌ردانه‌که‌یدا که‌ 3 ڕۆژ ده‌خایه‌نێت سه‌رۆک وه‌زیرانی لوبنان له‌گه‌ڵ گه‌وره‌ به‌رپـرسـان کۆبـبێته‌وه‌ له‌وانه‌ سه‌رۆک مه‌حمود ئه‌حمه‌دی نه‌ژاد.

بابه‌تی په‌یوه‌ندیدار

XS
SM
MD
LG