Accessibility links

نگین شێخ ئه‌ل ئیسلامی: له‌ سیستمی پیاو سالاری وه‌ک ئێران توند و تیژی به‌رامبه‌ر به‌ چین و توێژه‌کان زیادتر ده‌بێت


نگین شێخ ئه‌ل ئیسلامی
نگین شێخ ئه‌ل ئیسلامی
نگین شیخ ئه‌ل ئیسلامی بژاڤکاری مافه‌کانی مرۆڤ و چالاکی ڕێکخراوی ژنانی ئازه‌رمێهر ده‌ڵێت له‌ ساڵی 2013 ڕه‌وشی مافه‌کانی مرۆڤ له‌ ئێران و کورستان به‌ره‌خراپتری ڕۆیشت.

به‌ڕێزیان ده‌ڵیت له‌ سیستمێکدا که‌ پیاو سالاری یه‌، توند و تێژی به‌رامبه‌ر به‌ چین و توێژه‌ جۆربه‌جۆره‌کانی کۆمه‌ڵ و له‌ نێویان دا ژنان و منداڵانیش له‌ گۆڕێ دا ده‌بێت. بۆ نموونه‌ له‌ ڕژیمی کۆماری ئیسلامی دا کوشتن و زۆری نه‌ته‌نیا ده‌رحه‌ق به‌ گه‌لی کورد به‌لکوو بۆ سه‌ر نه‌ته‌وه‌کانی دیکه‌ی ئێرانیش دا هه‌روا به‌رده‌وامه‌.

شێخ ئه‌ل ئیسلامی ئاگایی ده‌دات یه‌کیه‌ک له‌ گرفته‌کانی ژنان به‌ تایبه‌تی له‌ کۆمه‌ڵی وه‌ک ئیران و کوردستان دا نه‌بوونی لێکوڵینه‌وه‌ی زانستی له‌ سه‌ر هۆیه‌کانی گرفته‌کان و نابه‌رابه‌ری یه‌کانی کۆمه‌ڵایه‌تی له‌ نێوان حکومه‌ت و خه‌ڵک دایه‌. هه‌روه‌ها بوونی پیاو سالاری له‌ کۆمه‌ڵ گرفتی ژنان زیاتر ده‌کات.

نگین خانم که‌ له‌ سه‌رده‌می چالاکی ڕێکخراوی ژنانی ئازه‌رمێهر له‌ نیوخۆی کوردستان دا تێکۆشانی هه‌بوو و ئێستا به‌ هۆی گوشاری کۆماری ئیسلامی په‌نای بۆ ده‌ره‌وه‌ هێناوه‌، پێ داده‌گرێت که‌ دوورکه‌وتنه‌وه‌ له‌ کۆمه‌ڵی کوردستان وا ده‌کات که‌ به‌ باشی له‌ گرفت و نه‌هامه‌تی یه‌کانی کۆمه‌ڵ ئاگادار نه‌بن و ئه‌وه‌ش خۆی کارتێکردنی ناله‌بار له‌ سه‌ر چالاکی ئه‌وان له‌ بواری ژنان داده‌نێت.

هه‌روه‌ها ناوبراو پێی وایه‌ که‌ به‌ هۆی ئاگادار نه‌بوونی و به‌ جێ نه‌گه‌یاندنی ئه‌رکی پیاوان ده‌رهه‌ق به‌ ژنان، دۆخی ژنان به‌ره‌و ئاقارێکی خراپتر بردوه‌.


please wait

No media source currently available

0:00 0:11:33 0:00
Direct link
XS
SM
MD
LG