Accessibility links

حه‌سه‌ن قازی: مارگارێت تاچر هێمایه‌ک بۆ ئیراده‌ی ژنان

  • Salah Piroty

01w/03/Huty/14884/016

01w/03/Huty/14884/016

سه‌رۆک وه‌زیری پێشووی به‌ریتانیا، که‌ ڕۆژی دووشه‌مه‌ به‌ هۆی جه‌ڵته‌ له‌ ته‌مه‌نی 87 ساڵانه‌دا کۆچی دوایی کرد، زیاتر له‌ 11 ساڵان له‌ پۆسته‌که‌ی دا بوو. له‌ ئه‌م ماوه‌یه‌دا، له‌ ئاکامی گرتنه‌ به‌ری ڕێبازه‌ تایبه‌تیه‌کانی کارتیکردنی هه‌م له‌ سه‌ر نێوخۆ و هه‌م له‌ ئاستی پێوه‌ندی نێونه‌ته‌وه‌یی دا هه‌بوو.

حه‌سه‌ن قازی ڕۆژنامه‌ نووس ده‌ڵێت له‌ ڕاده‌ی نێوخۆیی دا، خاتوون تاچر، له‌ ماوه‌ی سه‌رۆکایه‌تی دا سیاسه‌تی توندی به‌رامبه‌ر به‌ یه‌کیه‌تی یه‌کانی کرێکاری گرته‌ به‌ر و "پشتی حه‌ره‌که‌تی کرێکاری تێک شکاند". و ده‌شڵیت ئه‌گه‌رچی به‌رامبه‌ر به‌ بزووتنه‌ی ئیرله‌ندیش هه‌ر به‌ئه‌م شێوه‌یه‌ جووڵایه‌وه‌، به‌ڵام تاچر دوایی توانی سه‌باره‌ت به‌ ئیرله‌ند ئاشتی پێک بهێنێت.

له‌ سه‌رده‌مێکدا که‌ سه‌دام حوسین هێرشی بۆ سه‌ر کوێت برد و سه‌رکوتی شیعه‌کان و کورده‌کانی به‌ دوا داهات، و له‌ کاتی ئاواره‌ بوونی کورده‌کان ، خانمی تاچر پاش 11 ساڵ ونیوان له‌ به‌ر دژایه‌تی کردنی کابینه‌ له‌ گه‌ل سیاسه‌ته‌کانی نێۆخۆیی ناوبراو، مه‌جبوور بوو واز له‌ پۆسته‌که‌ی بهێنێت. به‌ڵام ئامۆژگاری خاتوون تاچر به‌ سه‌رۆک وه‌زیری دوای خۆی وای کرد که‌ بریتانیا پێشنیاری ناوچه‌یه‌کی دژه‌ فڕین بۆ کورده‌کان بکات.

به‌ڕێز قازی هه‌روه‌ها باوه‌ری وایه‌ به‌ له‌ به‌رچاوگرتنی مانه‌وه‌ی خانمی تاچر له‌ سه‌ر پۆستی سه‌رۆک وه‌زیری بۆ ماوه‌یه‌کی ئاوا درێژخایه‌ن بوو به‌ سه‌مبۆلێک بۆ ژنان که‌ ده‌توانن ئێراده‌ی خۆیان نیشان بده‌ن.

XS
SM
MD
LG