Accessibility links

سه‌ره‌ک وه‌زیرانی چین سه‌ردانی هیندسـتان ده‌کات

  • VOA News

سه‌ره‌ک وه‌زیرانی چین وین ژیاباو له‌ میانه‌ی سه‌ردانیدا بۆ قوتابخانه‌یه‌ک له‌ نیوده‌لهی سه‌باره‌ت به‌ دۆسـتایه‌تی نێوان هه‌ردوو وڵات به‌ زمانی چینی ده‌نووسێت، چوارشه‌ممه‌ 15 ی دوازده‌ی 2010

سه‌ره‌ک وه‌زیرانی چین وین ژیاباو له‌ میانه‌ی سه‌ردانیدا بۆ قوتابخانه‌یه‌ک له‌ نیوده‌لهی سه‌باره‌ت به‌ دۆسـتایه‌تی نێوان هه‌ردوو وڵات به‌ زمانی چینی ده‌نووسێت، چوارشه‌ممه‌ 15 ی دوازده‌ی 2010

سه‌ره‌ک وه‌زیرانی چین وین ژیاباو به‌ سه‌ردانێک گه‌یشتۆته‌ هیندستان به‌ مه‌به‌ستی بنیاتنانی ڕایه‌ڵه‌ی متمانه‌ی نێوان هه‌ردوو وڵات که‌ ئابوریان گه‌شه‌ی کردووه‌ .

به‌ڕێز وین ئه‌مڕۆ به‌ یاوه‌ری شاندێکی پتر له‌ 300 که‌س له‌ به‌رپرسانی کارداری گه‌یشته‌ نێوده‌لهی.

پێشبینی ده‌کرێت هه‌ردوو لایه‌ن چه‌ندان سه‌ودای بواره‌کانی بانقی و وزه‌ و هه‌روه‌ها ژێرخانی ئابوری مۆربکه‌ن.

ئه‌وه‌ی شایانی باسه‌، بازرگانی نێوان هیندستان و چین له‌ بره‌ودابووه‌ و چاوه‌ڕوان ده‌کرێت ئه‌مساڵ بگاته‌ بڕی 60 ملیار دۆلار. هاوکات هیندستان خۆشحاڵ نیـیه‌ به‌ هۆی زیادبوونی له‌نگی بازرگانی خۆی له‌ گه‌ڵ چیندا و هه‌روه‌ها هیندستان جه‌خت له‌سه‌ر ده‌ستگه‌یشتنی زیاتری به‌ بازاڕه‌کانی چینیدا ده‌کات.

له‌ وده‌مه‌ی سه‌ره‌ک وه‌زیرانی چینی سبه‌ی له‌گه‌ڵ هاوتای هیندی مانموهان سینگ کۆده‌بێته‌وه‌، پێده‌چێت ناهاوسه‌نگی بازرگانی باسی لێوه‌ بکرێت. هه‌روه‌ها پێشبینیش ده‌کرێت هه‌ردوو رابه‌ر وتووێژ له‌سه‌ر ناکۆکی نێوانیان له‌ سه‌ر خاک بکرێت ، واته‌ له‌سه‌ر سنووری هاوبه‌شیان ئه‌وه‌ی دوای چه‌ندان ساڵ له‌ دانوستاندن هێشتا هه‌ر چاره‌سه‌رنه‌کراوه‌.

هه‌روه‌ها گرژیه‌کی دیکه‌ی مێژوویی نێوان هیندستان و چین، مه‌سه‌له‌ی بوونی ده‌له‌یلاما‌ی رابه‌ری روحی تبتیـیه‌کانی دوره‌ وڵاته‌ له‌ هیندستان.

XS
SM
MD
LG