Accessibility links

هه‌نگاریا نزیک بووه‌ته‌وه‌ له‌ بونیادکردنی به‌ندواێـک له‌ ده‌وری عه‌مباره‌ تێـکشـکاوه‌که‌

  • VOA News

دوو سه‌ربازی هه‌نگاری سه‌رقاڵی پاککردنه‌وه‌ی گوندی کۆلۆنتارن که‌ به‌ قوڕ و لیته‌ ژه‌هراویـیه‌که‌ی عه‌مباره‌ تێـکشـکاوه‌که‌ زیانی پـێـگه‌یشتووه‌، یه‌کشه‌ممه‌ 10 ی ده‌ی 2010

دوو سه‌ربازی هه‌نگاری سه‌رقاڵی پاککردنه‌وه‌ی گوندی کۆلۆنتارن که‌ به‌ قوڕ و لیته‌ ژه‌هراویـیه‌که‌ی عه‌مباره‌ تێـکشـکاوه‌که‌ زیانی پـێـگه‌یشتووه‌، یه‌کشه‌ممه‌ 10 ی ده‌ی 2010

ده‌سه‌ڵاتدارانی هه‌نگاریا ده‌ڵێن له‌و باوه‌ڕه‌دان له‌ ڕۆژی سێشه‌ممه‌ له‌ بونیادکردنی به‌نداوێک له‌ ده‌وری عه‌مباره‌ تێـکشـکاوه‌که‌ی قوڕی ژه‌هراوی ته‌واو بکه‌ن به‌رپـرسی به‌هاناچوونی کاره‌سـات تایبۆر دابسن له‌ ئه‌مڕۆ دووشه‌ممه‌ ڕایگه‌یاند کرێکاران له‌ سه‌دا 70 به‌نداوێـکی نوێـیان ته‌واو کردووه‌ که‌ له‌ ده‌وری عه‌مباره‌که‌ی نزیک چه‌ند گوندێـکی خۆرئاوای هه‌نگاریا دروستکراوه‌.

جێی وتنه‌ به‌شێـک له‌ دیواری ئه‌و عه‌مباره‌ له‌ دووشه‌ممه‌ی ڕابردوو داڕما و قوڕ و لیته‌ی ژه‌هراوی به‌ گونده‌کان بڵاوکرده‌وه‌ و له‌ ئاکامدا به‌ لایه‌نی که‌مه‌وه‌ 7 که‌س گیانیان له‌ده‌سـتدا و زیا له‌ 120 که‌سی دیکه‌ برینداربوون.

هه‌روه‌ها ئه‌و قوڕ و لیته‌ ژه‌هراویـیه‌ بووه‌ مایه‌ی پـیسـکردنی ڕووباری دانوب.

له‌ دوایـیدا درزی تر له‌ باکوری دیواری عه‌مباره‌که‌ به‌دی کرا. که‌ مه‌ترسی هه‌بوو لیـکی تری لێ بڵاوبێته‌وه‌ به‌ ناوچه‌که‌ و ناچاربکات گوندی زیاتر چۆڵ بکرێت.

تیمێـکی شاره‌زایانی ژینگه‌ له‌ یه‌کێتی ئه‌وروپاوه‌ به‌ره‌و هه‌نگاریا به‌ڕێـکه‌وتوون بۆ هه‌ڵـسه‌نگاندنی ئه‌و زیانه‌.

بابه‌تی په‌یوه‌ندیدار

XS
SM
MD
LG