Accessibility links

به‌رنامه‌ی هه‌له‌و واشنتن: کۆنگره‌ چاوه‌ڕوانکراوه‌که‌ی عێراقیـیه‌کان

  • Haider Karim

ڕۆژی یه‌کشه‌ممه‌ ئۆفیسی سه‌رۆکایه‌تی عێراق ڕایگه‌یاند که‌وا سه‌رۆک جه‌لال تاڵه‌بانی پاش ڕاوێژکردنی به‌ نوری ئه‌لمالیکی سه‌رۆک وه‌زیر و ئوسامه‌ ئه‌لنوجێفی سه‌رۆکی ئه‌نجومه‌نی نوێنه‌ران و هه‌روه‌ها سه‌رکرده‌ و که‌سایه‌تیـیه‌ سیاسیـیه‌کانی دیکه‌ی وڵاته‌که‌، بڕیاری داوه‌ 5 ی مانگی چوار ده‌سـتنیشـان بکات بۆ سـازکردنی کۆنگره‌ی نیشـتیمانی عێراقیـیه‌کان.

به‌ڵام لیسـتی ئه‌لعێراقیـیه‌ هه‌ر بۆ ڕۆژی دواتر بایکۆتی خۆی بۆ لیژنه‌ی ئاماده‌کاری کۆنگره‌که‌ ڕاگه‌یاند و داوایکرد به‌ر له‌ به‌سـتنی کۆنگره‌که‌ بارودۆخێـکی سیاسی گونجاو بێته‌ ئاراوه‌ و ڕێـکه‌وتنـنامه‌ی هه‌ولێر به‌ ته‌واوی جێبه‌جێ بکرێت.

له‌ لایه‌کی دیکه‌وه‌، ڕۆژی پـێـنجشه‌ممه‌ نوری ئه‌لمالیکی له‌ کۆنگره‌ی لوتکه‌یی وڵاتانی عه‌ره‌بدا له‌ به‌غدا وتاری عێراقی پـێشـکه‌ش کرد و تیایدا باسی له‌ گرنگی یه‌ک‌ڕیزی عێراقیـیه‌کان کرد و به‌ گرنگترین چه‌کی ناوزه‌دکرد بۆ به‌ره‌نگاربوونه‌وه‌ی تێرۆرسـتان.

پـرسیار لێره‌دا ئه‌وه‌یه‌، ئایا ده‌کرێت داواکاریـیه‌کانی ئه‌لعێراقیـیه‌ به‌ر له‌ کۆنگره‌که‌ جێبه‌جێ‌بکرێن؟

ئه‌گه‌ر ئه‌لعێراقیـیه‌ بایکۆتی کۆنگره‌که‌ی کرد، لایه‌نه‌ کوردیـیه‌کان هه‌ڵوێسـتیان چۆن ده‌بێت؟ ئایا یه‌ک ده‌نگ ده‌بن یاخود هه‌ر پارته‌ و هه‌ڵوێستی تایبه‌تی خۆی ده‌بێت؟

مادده‌ی 140 ی ده‌سـتوری عێراق و کێشه‌کانی دیکه‌ی نێوان هه‌رێمی کوردستان و به‌غدا هه‌تا چه‌ند جێی باس ده‌بن له‌و کۆنگره‌یه‌دا؟

ئه‌گه‌ر کۆنگره‌که‌ له‌و گرژیـیه‌ سیاسـیـیه‌ی ئێسـتای نێوان عێراقیـیه‌کاندا سـازبکرێت، هه‌تا چه‌ند پـێشـبینی ده‌کرێت سه‌رکه‌وتووبێت؟

ئه‌م پـرسیارانه‌ و چه‌ندین پـرسیاری دیکه‌ی په‌یوه‌ست، حه‌یده‌ر که‌ریم له‌ به‌شی کوردی ده‌نگی ئه‌مه‌ریکا ئاڕاسته‌ی میوانه‌کانی به‌رنامه‌ی هه‌له‌و واشنتنی ئه‌م هه‌فته‌یه‌ی کرد.
میوانه‌کان:
شوان محه‌مه‌د، ئه‌ندامی په‌رله‌مانی عێراق له‌سه‌ر لیستی هاوپه‌یمانی کوردسـتانی.
ئوسامه‌ جه‌میل، ئه‌ندامی په‌رله‌مانی عێراق له‌سه‌ر لیستی یه‌کگرتووی ئیسلامی کوردستان.

ده‌توانن گوێبیسـتی ده‌قی به‌رنامه‌که‌‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 49:29 خوله‌كه‌.

بابه‌تی په‌یوه‌ندیدار

XS
SM
MD
LG