Accessibility links

لێکۆله‌ران ده‌ڵێن نه‌خۆشی له‌رزۆک په‌یوه‌ندییه‌کی زۆری به‌ نه‌خۆشی شه‌کره‌وه‌ هه‌یه‌

  • Herow Rahim

لێکۆلینه‌وه‌یه‌ک بڵاو کراوه‌ته‌وه‌ که‌ ده‌ڵێت ئه‌و که‌سانه‌ی نه‌خۆشی شه‌کره‌یان هه‌یه‌ مه‌ترسی توش بوون به‌ نه‌خۆشی له‌رزۆکیان زۆر زیاتره‌ به‌ تایبه‌تی له‌ ته‌مه‌نی گه‌نجێتیدا.

لێکۆله‌ران پاش ئه‌م لێکۆڵێنه‌وه‌یه‌ به‌ ته‌واوه‌تی نه‌خۆشی له‌رزۆکیان به‌ستۆته‌وه‌ به‌ نه‌خۆشی شه‌کره‌وه‌. لێکۆله‌ران گومانیان هه‌یه‌ نه‌خۆشی شه‌کره‌و له‌رزۆک ڕه‌نگه‌ هۆی هاوبه‌شیان هه‌بێت له‌ دروست بونیاندا.

له‌م لێکۆڵینه‌وه‌یه‌دا ته‌ماشای دۆسێکان له‌ سه‌ر بنه‌مای ته‌مه‌ن و ڕه‌گه‌زیش کراوه‌. لێکۆله‌ران ده‌ڵێن ژنانی ته‌مه‌ن 40 بۆ 50 ساڵان ئه‌وانه‌ی نه‌خۆشی شه‌کره‌یان هه‌بووه‌ شیانی دوو چار بوونیان به‌ نه‌خۆشی له‌رزۆک دوو هێندی ئه‌وانه‌ بووه‌ که‌ نه‌خۆشی شه‌کره‌یان نییه‌. له‌ نێو پیاوانیشدا هه‌ر به‌و جۆره‌ بووه‌. به‌ڵام به‌ شێوه‌یه‌کی گشتی خه‌ڵکی له‌ ته‌مه‌نی 60 ساڵانه‌وه‌ دووچاری نه‌خۆشی له‌رزۆک ده‌بن. هه‌رچه‌نده‌ لێکۆله‌ران ده‌ڵێن له‌م ڵێکۆڵینه‌وه‌یه‌دا زانیاری ته‌واو به‌ ده‌ست نه‌گه‌یشتووه‌ چوونکه‌ لێکۆلینه‌وه‌که‌ له‌ سه‌ر بنه‌مای ئه‌و زانیاریانه‌ بوون که‌ پێشتر له‌ نه‌خۆشخانه‌کان تۆمار کرابوون.

شایانی باسه‌ لێکۆلینه‌وه‌یه‌کی هاوشێوه‌ش له‌م دواییانه‌دا ئه‌نجام درابوو له‌و لێکۆلینه‌وه‌یه‌شدا هه‌مان نیگه‌رانی له‌سه‌ر نه‌خۆشییه‌کانی شه‌کره‌و له‌رزۆک خراوه‌ته‌ ڕوو.

XS
SM
MD
LG