Accessibility links

ئه‌مه‌ریکا به‌ نیازه‌ وێنه‌ی قوربانیانی جگه‌ره‌کێشـان بخاته‌‌ سه‌ر پاکه‌تی جگه‌ره‌کان

  • Shwan Said

ئه‌مه‌ریکا به‌ نیازه‌ وێنه‌ی قوربانیانی جگه‌ره‌کێشـان بخاته‌‌ سه‌ر پاکه‌تی جگه‌ره‌کان

ئه‌مه‌ریکا به‌ نیازه‌ وێنه‌ی قوربانیانی جگه‌ره‌کێشـان بخاته‌‌ سه‌ر پاکه‌تی جگه‌ره‌کان

هه‌واڵێـکی ته‌ندروسـتی ده‌ڵێت له‌مه‌و دوا ئه‌مه‌ریکا به‌ وێنه‌ ئاگاداری له‌ دژی جگه‌ره‌کێشـان له‌سه‌ر پاکه‌تی جگه‌ره‌ بڵاوده‌کاته‌وه‌.

کاربه‌ده‌سـتانی بواری ته‌ندروسـتی ئه‌مه‌ریکایی کۆمه‌ڵێـک هۆشـداری نوێـیان له‌ دژی جگه‌ره‌کێشـان پـێشـنیازکردووه‌ که‌ تیایدا به‌ دیمه‌ن و وێنه‌ زیانه‌کانی جگه‌ره‌ له‌سه‌ر ته‌ندروسـتی مرۆڤ ده‌رده‌خه‌ن وه‌ک نیشـاندانی ته‌رمی ئه‌وانه‌ی به‌هۆی جگه‌ره‌کێشـانه‌وه‌ گیانیان له‌ده‌سـتداوه‌ و وێنه‌ی سی په‌کـکه‌وتووی مرۆڤ و هه‌روه‌ها وێنه‌ی که‌سـانی سه‌ر ئۆکسجین.

بڕیاره‌ به‌رنووسی قانونی ئه‌م پـێشـنیازانه‌ له‌ مانگی یازده‌ی ئاینده‌دا بخرێنه‌ ڕوو، به‌م جۆره‌ بڕیاره‌ کۆمپانیاکانی پـیشه‌سـازی توتن که‌ سه‌رمایه‌یان بریتیـیه‌ له‌ چه‌نده‌ها ملیار دۆلار بچنه‌ ژێر کۆنتڕۆڵی به‌ڕێوه‌به‌رایه‌تی ده‌رمان و خۆراکی ئه‌مه‌ریکاوه‌.

به‌رنووسی قانونه‌که‌ داوا ده‌کات ئه‌و وێنانه‌ له‌سه‌ر پاکه‌تی جگه‌رکان نیشـان بدرێن و ئه‌مه‌ش بریتیـیه‌ له‌ یه‌که‌م گۆڕانکاری سه‌باره‌ت به‌ هۆشـداری له‌ دژی جگه‌ره‌کێشـان به‌ درێژایی 25 سـاڵی ڕابردوو.

بڕیاره‌ وه‌زیری ته‌ندروسـتی ئه‌مه‌ریکایی کاثرین سێڤلس و کۆمسیۆنکاری به‌ڕێوه‌به‌رایه‌تی ده‌رمان و خۆراکی ئه‌مه‌ریکایی له‌ کۆشـکی سـپی ئه‌م گۆڕانکاریـیانه‌ ڕابگه‌یه‌نن. له‌گه‌ڵ ئاگادارکردنه‌وه‌ی ئه‌وانه‌ی جگه‌ره‌ ده‌کێشن هۆشـداریـیه‌کان ئاماژه‌ به‌ زیانی دوکه‌ڵی جگه‌ره‌ بۆ که‌سـانی ده‌وروبه‌ری جگه‌ره‌کێش ده‌ده‌ن.

شایانی باسه‌ به‌ گوێره‌ی دامه‌زراوی نه‌خۆشی شێرپه‌نجه‌ی ئه‌مه‌ریکایی له‌ سـاڵی 2011 دا پـتر له‌ 221 هه‌زار هاوڵاتی ئه‌مه‌ریکایی دووچاری شێرپه‌نجه‌ی سی بوونه‌ته‌وه‌ که‌ ڕاده‌ی 14% ی گشت جۆره‌کانی شێرپه‌نجه‌ پـێـکده‌هێنێت.

پـێشـبینی ده‌کرێت ئه‌مسـاڵ پـتر له‌ 157 هه‌زار که‌س له‌ ئه‌مه‌ریکادا به‌هۆی شێرپه‌نجه‌ی سیـیه‌وه‌ گیان له‌ده‌سـتبده‌ن.

له‌ سـاڵی 1964 دا بۆ یه‌که‌م جار به‌هۆی ڕاپـۆرته‌ ته‌ندروسـتیـیه‌کانه‌وه‌ هۆشـداری له‌ دژی جگه‌ره‌کێشتان خرانه‌ سه‌ر پاکه‌تی جگه‌ره‌.

بابه‌تی په‌یوه‌ندیدار

XS
SM
MD
LG