Accessibility links

ئۆتۆمبیلێـکی بۆمبڕێژکراو لە شارۆچکەی گرێ سپـی دەتەقێتەوە و 10 کەس دەکوژرێن

  • VOA News

ئۆتۆمبیلێـکی بۆمبڕێژکراو لە شارۆچکەی گرێ سپـی سوریا لە نزیک سنووری تورکیا تەقیوەتەوە و لە ئاکامدا 10 کەس گیانیان لەدەسـتداوە و 13 کەسی دیکە برینداربوون.

بەیانی ئەمڕۆ چوارشەممە لە نزیک بینای ناسراو بە ماڵی گەل لە ناوەڕاستی گرێ سپی تەقینەوەکە ڕوویدا و قوربانیـیەکان بریتین لە 8 کەسی سیڤیل و 2 شەڕڤانی پاسەوانی بیناکە.

بەپـێی میدیا خۆجێـیەکان 3 کەس لەوانەی برینەکانیان قورس بووە بەر لەوەی گیانیان لەدەسـت بدەن هەوڵ درابوو ڕەوانەی نەخۆشەخانەکانی تورکیا بکرێن، بەڵام دەسەڵاتدارانی تورکیا ڕێگەیان پـێ نەداون و دەروازەکەیان لێ نەکردوونەتەوە.

داعش لەسەر ئنتەرنێت بەرپـرسیارێتی خۆی لە هێرشەکە ڕاگەیاند.

جێی ئاماژەیە ئەم هێرشە لە کاتێـکدایە کە هێزەکانی سوریای دیموکرات گەمارۆی تەواوی شارۆچکەی مەنبجیان داوە و ئێسـتا شەڕەکان گەیشتوونەتە گەڕەکەکانی قەراغ شارۆچکەکە.

XS
SM
MD
LG