Accessibility links

چه‌ند موشه‌کێـکی کاتیۆشا به‌ر ناوچه‌ی سه‌وزی به‌غدا ده‌که‌وێت

  • Goran Tawfeeq

چه‌ند موشه‌کێـکی کاتیۆشا به‌ر ناوچه‌ی سه‌وزی به‌غدا ده‌که‌وێت

چه‌ند موشه‌کێـکی کاتیۆشا به‌ر ناوچه‌ی سه‌وزی به‌غدا ده‌که‌وێت

سه‌ر له‌ به‌یانی ئه‌مڕۆ شه‌ممه‌ چوار ته‌قینه‌وه‌ی به‌هێز ئاسـمانی به‌غدای هه‌ژاند. به‌پـێی سه‌رچاوه‌ی زانیاریـیه‌کانی ده‌سـتمان که‌وتوون‌ هێرشه‌کانی ئه‌مڕۆ موشه‌کی جۆری کاتیۆشا بوون و سیانیان به‌ر ناوچه‌ی سه‌وز که‌وتوون که‌ نووسینگه‌ی زۆربه‌ی ده‌زگا گرنگه‌کانی حکومه‌تی عێراقی و هه‌روه‌ها باڵیۆزخانه‌ی ئه‌مه‌ریکا و به‌ریتانیای تێدایه‌.

ناوچه‌ی سه‌وزی به‌غدا وه‌ک لای هه‌مووان ئاشـکرایه‌ له‌ نێو بازنه‌یه‌کی ئه‌منی توندوتۆڵدایه‌. زانیاریـیه‌کان ئه‌وه‌ ده‌رده‌خه‌ن یه‌کێـک له‌و موشه‌کانه‌ نزیک باڵیۆزخانه‌ی ئه‌مه‌ریکا که‌وتۆته‌ خواره‌وه‌ و موشه‌کی دووه‌میش نزیک بینای ده‌سـته‌ی نه‌زاهه‌ی عێراقی بووه‌ و موشه‌کی سێیه‌م تاکو ئێسـتا جێگا و شوێنی نادیاره‌.

هه‌روه‌ها هیچ ڕاگه‌یاندنێـک له‌ ناوچه‌ی سه‌وزیشه‌وه‌ به‌ فه‌رمی ڕانه‌گه‌یه‌نراوه‌ و زه‌ره‌ر و زیانه‌کانی هێرشه‌ موشه‌کیـیه‌کانی سه‌ر له‌ به‌یانی چه‌ند بوون، به‌ڵام ئاسـمانی ناوچه‌که‌ بۆ ماوه‌ی 2 کاتژمێر چاودێری فڕۆکه‌ به‌رده‌وام بوو له‌سه‌ری.

هاوکات موشه‌کی چواره‌میش له‌ شه‌قامی ئه‌بو نه‌واس له‌سه‌ر ڕووباری دیجله‌ به‌رامبه‌ر ناوچه‌ی سه‌وز که‌وته‌ خواره‌وه‌ و 2 هاوڵاتی عێراقی بریندارکردووه‌.

له‌ لایه‌کی تره‌وه‌ پـۆلیسی عێراقی ڕایگه‌یاند 4 پـۆلیس و 3 هاوڵاتی برینداربوون له‌ ئه‌نجامی ته‌قینه‌وه‌ی 2 بۆمبی مینڕێژکراو له‌ به‌رده‌م دوکانێـکی فرۆشـتنی مه‌یدا له‌ ناوچه‌ی حه‌ی عاملی باشوری ڕۆژئاوای به‌غدا.

هه‌روه‌ها له‌ ناوچه‌ی که‌ڕاده‌ی‌ ناوه‌ڕاستی به‌غدا پـۆلیسی عێراقی ڕایگه‌یاند بۆمبێـکی چه‌سـپاو به‌ ئۆتۆمبێلێـکی هاوڵاتیـیه‌کدا ته‌قیوه‌ته‌وه‌ و ده‌رئه‌نجام شۆفێره‌که‌ و سه‌رنشینێـکی برینداربوون‌.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ‌، ماوه‌كه‌ی 1:40 خوله‌كه‌.

بابه‌تی په‌یوه‌ندیدار

XS
SM
MD
LG