Accessibility links

کاردانه‌وه‌ی عێراقیـیه‌کان له‌سه‌ر ڕووداوه‌کانی میسر


کاردانه‌وه‌ی عێراقیـیه‌کان له‌سه‌ر ڕووداوه‌کانی میسر
کاردانه‌وه‌ی عێراقیـیه‌کان له‌سه‌ر ڕووداوه‌کانی میسر

له‌گه‌ڵ به‌رده‌وامی خۆپـیشــاندانه‌‌ جه‌ماوه‌ریـیه‌که‌ی وڵاتی میسر بۆ گۆڕینی ڕژێمی ده‌سه‌ڵاتداری پارتی نیشـتیمانی که‌ حوسنی موباره‌ک سه‌رۆکایه‌تی ده‌کات و نزیکه‌ی 30 سـاڵه‌ حوکمڕانی ئه‌و وڵاته‌ی به‌ده‌سـته‌وه‌یه‌ له‌ دوا وتاریدا که‌ له‌ شه‌وێـکی دره‌نگانی دوێنێدا له‌ ته‌له‌فیزیۆنی میسر بڵاوکرایه‌وه‌، موباره‌ک ڕایگه‌یاند بۆ خولی داهاتووی سه‌رۆکایه‌تی میسر خۆی کاندید ناکاته‌وه‌ و له‌و ته‌مه‌نه‌ی که‌ له‌ پـێشـی ماوه‌ که‌ نزیکه‌ی حه‌وت مانگه‌ بڕیاری داوه‌ کۆمه‌ڵێـک گۆڕانکاری و چاکسـازی له‌ ده‌سه‌ڵاتی میسریدا بکات.

له‌ به‌شێـکی تری وتاره‌که‌یدا سه‌رۆک کۆماری میسر حوسنی موبارک گوتی میسر خاکی خۆمه‌ و له‌ پـێناویدا قوربانیم داوه‌ و ده‌بێت له‌سه‌ر زه‌ویـیه‌که‌شی بمرم.

شایانی باسه‌ ئه‌م وتاره‌ی سه‌رۆکی میسری له‌ کاتێـکدا بوو که‌ خۆپـیشـاندانه‌ ملیۆنیـیه‌که‌ی هه‌ردوو شـاری ئه‌سکه‌نده‌ریه‌ و قاهیره‌ی پایته‌خت دژ به‌ ده‌سه‌ڵاتی میسری داوایان ده‌کرد بڕۆخێت ڕژێمی ده‌سه‌ڵاتدار و موباره‌کیش وڵات جێبهێڵێت.

له‌م باره‌یه‌وه‌ ده‌نگی ئه‌مه‌ریکا بۆ ڕووداوه‌کانی میسر و دوا پـێشـهاته‌کانی ڕاوبۆچوون و خوێندنه‌وه‌ی سیاسی عێراقی وه‌رگرتووه‌.

ده‌توانن گوێبیسـتی ده‌قی ڕاپـۆرته‌كه‌ی گۆران تۆفیق په‌یامنێری ده‌نگی ئه‌مه‌ریکا له‌ به‌غدا بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 4:30 خوله‌كه‌.

بابه‌تی په‌یوه‌ندیدار

XS
SM
MD
LG