Accessibility links

له‌ ئاکامی دوو هێرشی خۆکوژی له‌ شـاری ڕومادی عێراق ده‌یان قوربانی ده‌که‌وێته‌وه‌

  • Goran Tawfeeq

ئۆتۆمبیلێـکی هێزه‌کانی پـۆلیس له‌ به‌رده‌م گۆمه‌ڵـگه‌ی حکومی پارێزگای ئه‌نبار له‌ شـاری ڕومادی له‌ ئاکامی یه‌ک له‌ دوو هێرشه‌ خۆکوژیـیه‌که‌ زیانی پـێـگه‌یشـتووه‌، دووشه‌ممه‌ 27 ی دوازده‌ی 2010

ئۆتۆمبیلێـکی هێزه‌کانی پـۆلیس له‌ به‌رده‌م گۆمه‌ڵـگه‌ی حکومی پارێزگای ئه‌نبار له‌ شـاری ڕومادی له‌ ئاکامی یه‌ک له‌ دوو هێرشه‌ خۆکوژیـیه‌که‌ زیانی پـێـگه‌یشـتووه‌، دووشه‌ممه‌ 27 ی دوازده‌ی 2010

ئه‌مڕۆ پـۆلیسی عێراقی ڕایگه‌یاند له‌ پارێزگای ئه‌نبار که‌ ده‌که‌وێته‌ 110 کیلۆمه‌تری دوری ڕۆژئاوای به‌غدا، له‌ ئه‌نجامی دوو ته‌قینه‌وه‌ی یه‌ک له‌ دوای یه‌کدا ده‌یان قوربانی لێـکه‌وته‌وه.‌

هێرشی یه‌که‌م شۆفێرێـکی خۆکوژ به‌ ئۆتۆمبیلێـکی مینڕێژکراو خۆی ته‌قاندۆته‌وه‌ به‌ گۆمه‌ڵـگه‌یه‌کی حکومیدا که‌ سه‌رجه‌م دام‌وده‌زگا گرنگه‌کانی پارێزگاکه‌ی تێدایه‌، وه‌ک نووسینگه‌ی پارێزگار و ئه‌نجومه‌نی پارێزگای ڕومادی و ده‌سته‌ی لێـپـێچینه‌وه‌ و سه‌رکردایه‌تی هێزه‌ ئاسایشیـیه‌کانی پارێزگای ڕومادی.

هه‌روه‌ها له‌ ماوه‌ی چه‌ند خوله‌کێـکدا له‌ هه‌مان ناوچه‌ که‌سێـکی تری خۆکوژ خۆی ته‌قانده‌وه‌ له‌ ناو ئاپـۆڕای خه‌ڵـکدا، به‌مه‌ش زیانی گیانی قوربانیانی هێرشی یه‌که‌می به‌رزکرده‌وه‌.

شـایانی باسه‌ هێرشه‌که‌ی ئه‌مڕۆ پاش هه‌فته‌یه‌ک دێت که‌ له‌ هه‌مان ناوچه‌دا و هاوکات له‌ ڕۆژی دووشه‌ممه‌ی پـێشوو ئه‌و کۆمه‌ڵـگا حکومیـیه‌ له‌ لایه‌ن که‌سێـکی خۆکوژه‌وه‌ هێرشی کرایه‌ سه‌ر و نزیکه‌ی 60 قوربانی لێـکه‌وته‌وه‌ له‌ نێوان کوژراو و برینداردا.

هێرشه‌ تێرۆریسـتیـیه‌کانی ئه‌م دوایـیه‌ له‌ کاتێـکدایه‌ تاوه‌کو ئێسـتا پـۆسته‌ وه‌زاریـیه‌کانی ناوخۆ و به‌رگری و ده‌زگای هه‌واڵگری عێراقی له‌ نێوان کوتله‌ سیاسیـیه‌کاندا کاندیده‌کانی یه‌کلایی نه‌کراوه‌ته‌وه‌. به‌ وه‌کاله‌ت له‌ لایه‌ن سه‌ره‌ک وه‌زیری عێراقه‌وه‌ وه‌زاره‌ته‌ ئاسایشـیـیه‌کان به‌ڕێوه‌ده‌برێت.

بابه‌تی په‌یوه‌ندیدار

XS
SM
MD
LG