دەسەڵاتدارانی دادوەری ئەڵمانیا سەربازێـکی پـێشووی لەشکری عێراقیان بە ئەنجامدانی تاوانی جەنگ تۆمەتبار کرد پاش ئەوەی وێنەیەکی خۆی بڵاوکردووەتەوە کە تیایدا کەلە سەری دوو چەکداری داعشی سەربڕاوی بە دەسـتی خۆی بەرزکردووەتەوە.
داواکاری فیدراڵی ئەڵمانیا ئەمڕۆ دووشەممە لە بەیانـنامەیەکدا ڕایگەیاند ڕامی ک. تەمەن 27 ساڵ لەو دەمەی لە لەشکری عێراق بووە لە ساڵی 2015 ، پاش شەڕێـک لە باکوری بەغدا کەلەی سەری دوو چەکداری سەربڕاوی داعشی لە قژەوە بەرزکردووەتەوە و وێنەیان گرتووە و پاشان چووە لەسەر تۆڕەکانی پەیوەندی کۆمەڵایەتی بڵاویکردووەتەوە.
هێشتا ڕوون نیـیە چۆن ئەم کەسە گەیشتووەتە ئەڵمانیا و چۆن دەسەڵاتدارانی ئەو وڵاتە دەسـتیانکردووە بە لێکۆڵینەوە لەگەڵی.