Accessibility links

سەرۆکی فەڕەنسا مەدالیای شەرەف دەبەخشێت بە سێ ئەمەریکایی و بەریتانیـیەک

  • VOA News

فڕانسوا ئۆلاندی سەرۆکی فەڕەنسا مەدالیای شەرەفمەندی فەڕەنسی کە باڵاترین مەدالیای وڵاتە بەخشیە سێ هاوڵاتی ئەمەریکایی و بەریتانیـیەک، ئەوانەی توانیان ڕۆژی هەینی ڕابردوو لە نێو شەمەندەفەرێکی ڕەوتی خێرادا بە سەر چەکدارێکدا زاڵبوون و توانیان قۆڵبەستی بکەن.

ڕۆژی دووشەممە لە ڕێوڕەسمی رێزلێنانەکەدا لە پاریسی پایتەخت سەرۆک ئۆلاند مەدالیای شەرەفمەندی لەسەر سنگی ئەو چوار کەسە بەست و گوتی ئازایەتی و جوامێری ئەم کەسانە بە ڕووی تێرۆردا لە هەفتەی رابردوودا پەیامی دلێری و تەبای و هیوای بەخشی.

لە درێژەی وتەکەیدا فڕانسوا ئۆلاند ئاماژەی بەوەکرد تێرۆرستەکە هەوڵی ئەنجامدانی کارێکی تێرۆکاری گەورەی داوە و چەک و تەقەمەنیـیەکی زۆری پێبوو، بەڵام ئێوەی قارەمان ژیانی خۆتان خستە مەترسیەوە بۆ ئەوەی ڕێگە لەو تێرۆرستە بگرن و کارەکەی بە ئەنجام نەگەیەنێت و لەو کارە جوامێرەتاندا سەرکەوتوو بوون.

هاوکات سەرۆکی فەڕەنسا ڕێزیشی لە هاوڵاتیەکی فەڕەنسی گرت، ئەوەی یەکەم کەس بوو کە درکی بەو چەکدارە تێرۆریستە کردبوو .

XS
SM
MD
LG