Accessibility links

یەکەم هێرشی فەڕەنسا بۆ سەر داعش لە سوریا 30 کوژراوی لێدەکەوێتەوە

  • VOA News

کۆمەڵەی سوریا بۆ چاودێری مافەکانی مرۆڤ دەڵێت لە یەکەم هێرشە ئاسمانیـیەکانی فەڕەنسا لە سوریا لە دژی داعش بە لایەنی کەم 30 داعش کوژراون.

ڕامی عەبدولڕەحمان بەڕێوەبەری کۆمەڵەکە ڕۆژی چوارشەممە بە ئاژانسی دەنگ‌وباسی فڕانس پـرێسی گوت لە ئەنجامی هێرشە ئاسمانیـیەکانی فەڕەنسا کە ڕۆژی یەکشەممە ئەنجامدران بە لایەنی کەم 30 چەکداری داعش کوژراون کە 12 یان هەرزەکاربوون. هەروەها 20 کەسی دیکەشیان برینداربوون.

جێی ئاماژەیە هێرشە کرابووە سەر شوێنێـکی داعش لە پارێزگای دێرزور لە نزیک شاری بوکەمالی سەر سنووری عێراق.

فڕانسوا ئۆلاند سەرۆکی فەڕەنسا لە بارەی هێرشەکەوە گوتی 6 فڕۆکەی جەنگی وڵاتەکەی کە پـێنجیان لە جۆری ڕافاڵ بوون، بنکەیەکی مەشق و ڕاهێنانی داعشیان بۆردومانکردووە.

XS
SM
MD
LG