Accessibility links

ڕه‌نگه‌ ئابوری ئه‌ڵمانیا دووچاری سستی بـبێت

  • VOA News

ڕه‌نگه‌ ئابوری ئه‌ڵمانیا دووچاری سستی بـبێت

ڕه‌نگه‌ ئابوری ئه‌ڵمانیا دووچاری سستی بـبێت

ڕه‌نگه‌ وڵاتی ئه‌ڵمانیا دووچاری سـسـتی ئابوری بـبێته‌وه‌ له‌ ده‌مێـکدا له‌ سێ مانگی کۆتایی سـاڵی 2011 دا ئابوری وڵاته‌که‌ به‌ ڕێژه‌ی 0.25 % که‌می کردووه‌.

ئابوری‌ناسان له‌وه‌ ده‌ترسن له‌ سێ مانگی یه‌که‌می سـاڵی 2012 ئابوری دووچاری ئه‌م دابه‌زینه‌ بـبێته‌وه‌.

هه‌ر ئه‌مڕۆ چوارشه‌ممه‌ نووسینگه‌ی ئاماری ئه‌ڵمانی ئه‌م هه‌واڵه‌ ئابوریـیه‌ی خسته‌ ڕوو و ده‌ڵێت سه‌رباری دابه‌زینی بواری ئابوری له‌ سێ مانگی کۆتایی سـاڵی 2011 دا، به‌ڵام به‌ شێوه‌یه‌کی گشـتی ئابوری ئه‌ڵمانیا به‌ ڕاده‌ی 3% گه‌شه‌ی کردووه‌.

ئه‌م ڕاده‌یه‌ش هه‌ر بریتیـیه‌ له‌ دابه‌زین به‌ به‌راورد به‌ سـاڵی 2010 وه‌ که‌ ئابوری به‌ ڕاده‌ی 3.7% گه‌شه‌ی کردبوو.

نووسینگه‌ی ئاماره‌کان ده‌شڵێت دواترین گه‌ش به‌ هۆی بواره‌کانی کڕین و وه‌گه‌ڕخستنی سه‌رمایه‌وه‌ ڕوویداوه‌. ئابوری ئه‌ڵمانیا به‌ زۆری پابه‌نده‌ له‌سه‌ر هه‌نارده‌کردن.

ئابوری‌ناسانی بانکی ناوه‌ندی ئه‌ڵمانی پـێشـبینی ده‌که‌ن له‌ سـاڵی 2012 دا گه‌شه‌ی ئابوری که‌متر بـبێته‌وه‌ بۆ ئاستی 0.6% ، ئه‌مه‌ش له‌ ده‌مێـکدا که‌ نیگه‌رانی هه‌یه‌ سه‌باره‌ت به‌ ڕه‌وشی ئابوری وڵاتانی ئه‌وروپا که‌ دراوی یورۆ به‌کارده‌هێنن. هاوکات پـێشـبینی ده‌کرێت ئاستی گه‌شه‌ی ئابوری له‌ سـاڵی 2013 دا به‌ ڕاده‌ی 1.8% به‌رزبـبێته‌وه‌.

XS
SM
MD
LG