Accessibility links

ئه‌ثیوپـیا ده‌ڵێت هێزه‌کانی په‌لاماری دوو بنکه‌ی له‌شـکری ناو ئه‌ریتریایان داوه‌

  • VOA News

گوته‌بێژی حکومه‌تی ئه‌ثیوپـیا شیملیس که‌مال له‌ ئه‌دیس ئه‌بابا بۆ په‌یامنێران ده‌دوێت، پـێـنجشه‌ممه‌ 15 ی سێی 2015

گوته‌بێژی حکومه‌تی ئه‌ثیوپـیا شیملیس که‌مال له‌ ئه‌دیس ئه‌بابا بۆ په‌یامنێران ده‌دوێت، پـێـنجشه‌ممه‌ 15 ی سێی 2015

گوته‌بێژی حکومه‌تی ئه‌ثیوپـیا شیملیس که‌مال گوتی چه‌ند هێزێـکی وڵاته‌که‌ی ئه‌مڕۆ پـێـنجشه‌ممه‌ به‌ قوڵایی 16 کیلۆمه‌تر چوونه‌‌ته‌ ناو خاکی ئه‌ریتریا و هێرشی سه‌رکه‌وتووانه‌یان کردووه‌ته‌ سه‌ر دوو بنکه‌ی له‌شـکری که‌ تیایاندا مه‌شق و ڕاهێنان به‌ چه‌ند کۆمه‌ڵێـکی تێـکده‌ر ده‌کرێن.

شیملیس که‌مال گوتی ئه‌و کۆمه‌ڵانه‌ له‌ لایه‌ن حکومه‌تی ئه‌ریتریاوه‌ پـشـتگیری‌ده‌کرێن و چه‌ند هێرشێـکیان له‌ ناو ئه‌ثیوپـیا ئه‌نجامداوه‌.

گوته‌بێژه‌که‌ی حکومه‌تی ئه‌ثیوپـیا که‌ له‌ ئه‌دیس ئه‌بابا بۆ په‌یامنێران ده‌دوا، ئاماژه‌ی به‌وه‌ش کرد که‌ شه‌ڕ و پـێـکدادان له‌ نێوان هێزه‌کانی وڵاته‌که‌ی و له‌شـکری ئه‌ریتریا ڕووی نه‌داوه‌، به‌ڵام هیچ ورده‌کاری زیاتری له‌سه‌ر ئۆپه‌راسیۆنه‌که‌ نه‌دا.

به‌ مه‌به‌ستی زانینی زیاتر له‌سه‌ر ئه‌م هه‌واڵه‌ ده‌نگی ئه‌مه‌ریکا په‌یوه‌ندی به‌ دیپـلۆماتێـکی ئه‌ریتریا کرد، به‌ڵام ئه‌و هیچ وه‌ڵامدانه‌وه‌یه‌کی نه‌بوو.

ئه‌ثیوپـیا به‌رده‌وام ئه‌ریتریا تاوانبارده‌کات به‌وه‌ی داڵده‌ی ئه‌و کۆمه‌ڵه‌ یاخیبووانه‌ ده‌دات که‌ په‌لاماری ناوچه‌ی ئه‌فاری ئه‌ثیوپـیا ده‌ده‌ن.

XS
SM
MD
LG