Accessibility links

سەرۆکی تورکیا دەڵێت لە شەڕی دژی پەکەکە بەردەوام دەبن

  • VOA News

سەرۆکی تورکیا بەڵێنی داوە هێزەکانی لەشکر و ئاسایشی وڵاتەکەی بەبێ وچان بەردەوام بن لە شەڕی دژی پارتی کرێکارانی کوردسـتان (پەکەکە).

ڕەجەب تەیب ئەردۆغان ئەمڕۆ پـێـنجشەممە لە ڕاگەیاندنێـکیدا بەبۆنەی ساڵی نوێـیەوە گوتی هێزەکانی لەشکر و ئاسایش بست بە بستی خاکی وڵاتەکە لە ئەندامانی پەکەکە پاک‌دەکەنەوە، وە بەردەوام دەبن لە ئۆپەراسیۆنەکانیان بۆ لەناوبردنیان."

جەختی لەوەش کرد وڵاتەکەی ئەو سەرچاوە و توانایەی هەیە بۆ مامەڵەکردن لەگەڵ شەڕی پەکەکەدا. ئاماژەی بۆ ئەوە کرد لە ماوەی سـاڵی 2015 نزیکەی 3100 ئەندامی پەکەکەیان لە ناوەوە و دەرەوەی تورکیا کوشتووە.

حکومەتی تورکیا لە مانگی حەوتەوە ڕایگەیاند شەڕی داعش و پەکەکە لە یەک کاتدا دەکات، بەڵام هەتا ئێستا لە هێرشەکانی سنگی خستووەتە سەر پەکەکە. ناوچە کوردیـیەکانیش دووچاری توندوتیژیـیەک بوونەتەوە کە لەوەتای ساڵانی نەوەدەکانەوە ڕەوشی وەها خراپـیان بەخۆیانەوە نەدیوە.

XS
SM
MD
LG