Accessibility links

محه‌مه‌د مورسی هه‌ڵبژاردنه‌کانی سه‌رۆکایه‌تی میسر ده‌باته‌وه‌


کۆمیته‌ی هه‌ڵبژاردنه‌کانی میسر ڕایگه‌یاند کاندیدی ئیخوان ئه‌لموسلیمن محه‌مه‌د مورسی سه‌رکه‌وتنی له‌ هه‌ڵبژاردنه‌کانی سه‌رۆکایه‌تی وڵاته‌که‌دا به‌ده‌سـتهێناوه‌.
کۆمیته‌که‌ ڕایگه‌یاند محه‌مه‌د مورسی 51.73% ده‌نگه‌کانی بردۆته‌وه‌، له‌ کاتێـکدا کاندیدی ڕکه‌به‌ری ئه‌حمه‌د شه‌فیق دوایـین سه‌رۆک وه‌زیر له‌ سه‌رده‌می حوسنی موباره‌ک 48.28% ی ده‌نگه‌کانی به‌ده‌سـتهێناوه‌.
هاوکات له‌گه‌ڵ ڕاگه‌یاندنی ئه‌نجامه‌کان به‌ ده‌یان هه‌زار میسری ڕژانه‌ سه‌ر شه‌قامه‌کانی میسر و به‌ تایبه‌تی بۆ مه‌یدانی ته‌حریری قاهیره‌ی پایته‌خت بۆ ده‌ربڕینی خۆشـحاڵی خۆیان به‌ ئه‌نجامه‌کان و ئاهه‌نگ‌گێڕان به‌و بۆنه‌یه‌وه‌.
محه‌مه‌د حسێن ته‌نتاوی سه‌رۆکی ئه‌نجومه‌نی باڵای هێزه‌ چه‌کداره‌کانی میسر که‌ له‌ ئێسـتادا حوکمڕانی وڵاته‌که‌ ده‌کات پـیرۆزبایی له‌ محه‌مه‌د مورسی کرد.
XS
SM
MD
LG