Accessibility links

خۆپـیشـاندانه‌کان له‌ میسر هه‌ر به‌رده‌وامن

  • VOA News

خۆپـیشـانده‌ران له‌ گۆڕپانی ته‌حریر دروشمێـکیان به‌رزکردۆته‌وه‌ و له‌سه‌ریان نووسیوه‌ بۆ موباره‌ک "به‌ر له‌ ڕۆیشتنت 70 ملیار دۆلاره‌که‌مان ده‌وێته‌وه‌" ، پـێـنجشه‌ممه‌ 10 ی دووی 2011

خۆپـیشـانده‌ران له‌ گۆڕپانی ته‌حریر دروشمێـکیان به‌رزکردۆته‌وه‌ و له‌سه‌ریان نووسیوه‌ بۆ موباره‌ک "به‌ر له‌ ڕۆیشتنت 70 ملیار دۆلاره‌که‌مان ده‌وێته‌وه‌" ، پـێـنجشه‌ممه‌ 10 ی دووی 2011

به‌ هه‌زاران خۆپـیشـانده‌ری دژ به‌ حکومه‌ت له‌ گۆڕه‌پانی ئه‌لته‌حریری قاهیره‌ له‌ ده‌ره‌وه‌ی باره‌گای په‌رله‌مانی میسریش خه‌ریکی خۆپـیشـاندانن له‌ ده‌مێـکدا درێژه‌ به‌ هه‌ڵمه‌ته‌کانیان ده‌ده‌ن بۆ لابردنی سه‌رۆک حوسنی موباره‌ک له‌سه‌ر ده‌سه‌ڵات.

له‌گه‌ڵ خوپـیشـاندانه‌ درێژ ده‌مه‌کانی پایته‌ختدا هێزه‌کانی ئۆپـۆزسیۆن سه‌رقاڵی مانگرتنی کرێکارانن له‌ سه‌رانسه‌ری میسردا ئه‌وه‌ی کاری کردۆته‌ سه‌ر بواره‌کانی گه‌شت‌وگوزار و چنین و هێڵه‌کانی شه‌مه‌نده‌فه‌ر و که‌رته‌کانی حکومه‌ت.

خۆپـیشـانده‌ران ده‌یانه‌وێت گوشار له‌سه‌ر به‌ڕێز موباره‌ک زیادبکه‌ن ئه‌وه‌ی بۆ ماوه‌ی 30 سـاڵه‌ له‌ ده‌سه‌ڵاتدایه‌ و هاوکات داوای ده‌سـت له‌کارکێشـانه‌وه‌ی په‌رله‌مانتارانی وڵاته‌که‌ ده‌که‌ن که‌ سـاڵی ڕابردوو هه‌ڵبژێردرابوون له‌ پـرۆسه‌یه‌کدا که‌ به‌ شێوه‌یه‌کی به‌رفراوان سه‌رزه‌نشت کرابوو له‌سه‌ر گزی و ساخته‌کاری له‌ به‌رژه‌وه‌ندی پارتی ده‌سه‌ڵاتدا.

پـێشـووتر جێـگری سه‌رۆکی میسری عومه‌ر سوله‌یمان ڕایگه‌یاندبوو که‌ چیدی حکومه‌تی وڵاته‌که‌ی لێبورده‌ نابێت سه‌باره‌ت به‌ خۆپـیشـاندانه‌ درێژ ده‌مه‌کانی گۆڕه‌پانی ئه‌لته‌حریر. ناوبراو هۆشـداری به‌ بزاڤکاران دا که‌ چیدی یاخیبوونی مه‌ده‌نی نه‌که‌ن چونکه‌ هه‌ر وه‌کو خۆی ده‌ڵێت زۆر مه‌ترسیداره‌.

هاوکات ڕێـکخه‌رانی خۆپـیشــاندانه‌کان ده‌ڵێن به‌ نیازن ڕۆژی هه‌ینی به‌ره‌و باره‌گای ڕادیۆ و ته‌له‌فیزیۆنی میسری بڕۆن له‌ کاتێـکدا داوای خۆپـیشـاندانی تری به‌رفراوان کراوه‌.

بابه‌تی په‌یوه‌ندیدار

XS
SM
MD
LG