Accessibility links

دادگای میسر سڕکردنی سه‌روه‌ت و سامانی موباره‌ك و خێزانه‌که‌ی په‌سه‌ند ده‌کات

  • VOA News

کۆمه‌ڵێـک میسری له‌ به‌رده‌می دادگاکه‌ له‌ قاهیره‌ داوای دادگایـیکردنی حوسنی موباره‌ک ده‌که‌ن، سێشه‌ممه‌ 8 ی سێی 2011

کۆمه‌ڵێـک میسری له‌ به‌رده‌می دادگاکه‌ له‌ قاهیره‌ داوای دادگایـیکردنی حوسنی موباره‌ک ده‌که‌ن، سێشه‌ممه‌ 8 ی سێی 2011

به‌رپرسانی دادوه‌ری میسری ده‌ڵێن دادگایه‌کی میسر بڕیاری سڕکردنی سه‌روه‌ت و سامانی سه‌رۆکی له‌کارخراوی میسر حوسنی موباره‌ك و خێزاناکه‌یان په‌سه‌ند کرد.

دادگا له‌ ڕۆژی سێشه‌ممه‌دا یاداشتنامه‌یه‌کی حوسنی مه‌باره‌کی ڕه‌تکرده‌وه‌ له‌ دژ بڕیاری دادوه‌ری گشتی میسر بۆ قه‌ده‌غه‌کردنی خۆی و خێزانه‌که‌ی له‌ به‌جێهێشتنی وڵاته‌که‌ و ده‌ستگرتن به‌سه‌ر سه‌روه‌ت و سامانیاندا.

خێزانه‌که‌ی ڕووبه‌ڕووی تۆمه‌تی گه‌نده‌ڵی بوونه‌ته‌وه‌ و حکومه‌تی نوێ میسر له‌و باره‌یه‌وه‌ لێکۆڵێنه‌وه‌ ده‌کات.

له‌ هه‌فته‌ی ڕابردوودا دادوه‌ری گشتی میسر عه‌بدول مه‌جید مه‌حمود باسی له‌ ورده‌کاریه‌کان نه‌کرد، به‌ڵام گوتی سه‌رۆکی پێشووی میسر حوسنی موباره‌ك و هاوسه‌ره‌که‌ی و هه‌ردوو کوڕه‌که‌ی و هاوسه‌ره‌کانیان له‌ گه‌شتکردن قه‌ده‌غه‌کراون.

ئه‌و هه‌ڵویسته‌ی هات دوای ڕۆژێك که‌ ده‌سه‌ڵاتدارانی له‌شکری میسر هاوسه‌ری حوسنی موباره‌ك و جه‌مالی کوڕه‌ بچوکه‌که‌یان قه‌ده‌غه‌کرد له‌ به‌ڕێکه‌وتن به‌ره‌و هاوینه‌ هه‌واری شه‌رم شێخ له‌ ده‌ریای سوور به‌ فڕۆکه‌ له‌ هه‌وڵێکدا بۆ ئه‌وه‌ی وڵاته‌که‌ به‌جێبهێڵن.

ڕاپورته‌کانی میدیا سه‌روه‌ت و سامانی حوسنی موباره‌ك و خێزانه‌که‌یان به‌ ملیونه‌ها دۆلار مه‌زه‌نه‌کردووه‌.

XS
SM
MD
LG