Accessibility links

میسریـیه‌کان ده‌نگی خۆیان له‌ گه‌ڕی دووه‌می هه‌ڵبژاردنه‌ په‌رله‌مانیـیه‌که‌ی وڵاته‌که‌یاندا ده‌ده‌ن

  • VOA News

ژماریه‌ک هاوڵاتی له‌ به‌رده‌م بنکه‌یه‌کی ده‌نگداندا ڕیزیان به‌سـتووه‌ له‌ قاهیره‌ی پایته‌ختی میسر، یه‌کشه‌ممه‌ 5 ی دوازده‌ی 2010

ژماریه‌ک هاوڵاتی له‌ به‌رده‌م بنکه‌یه‌کی ده‌نگداندا ڕیزیان به‌سـتووه‌ له‌ قاهیره‌ی پایته‌ختی میسر، یه‌کشه‌ممه‌ 5 ی دوازده‌ی 2010

میسریـیه‌کان له‌ ڕۆژی یه‌کشه‌ممه‌ ده‌نگ ده‌ده‌ن له‌ هه‌ڵبژاردنێـکی په‌رله‌مانیدا که‌وا چاوه‌ڕوان‌ده‌کرێت سه‌رکه‌وتنێـکی مه‌زن له‌گه‌ڵدا بهێنێت بۆ پارتی دیموکراتیکی نیشـتیمانی فه‌رمانڕه‌وای سه‌رۆک حوسنی موباره‌ک.

پارته‌که‌ له‌وانه‌یه‌ ژماره‌یه‌کی زۆری کورسیـیه‌کان به‌ده‌سـتبهێنێت پاش کشـانه‌وه‌ی دوو له‌ گرووپه‌ گه‌وره‌کانی ئۆپـۆزسـیۆن له‌ هه‌ڵبژاردنه‌کاندا، گوایه‌ به‌هۆی سـاخته‌کاری له‌ خولی یه‌که‌می ده‌نگدانه‌کانی یه‌کشه‌ممه‌ی ڕابردوودا کراون.

پارته‌ ئۆپـۆزسـیۆنه‌کانی ئیخوان ئه‌لموسلیمین و ئه‌لوه‌فد پـلانی خۆیان ڕایاگه‌یاند‌ بۆ پـێشـکه‌شـکردنی سـکاڵاکانیان به‌ دادوه‌ری گشـتی وڵاته‌که‌ سه‌باره‌ت به‌و پـێشێـلکاریـیانه‌ی له‌ هه‌ڵبژاردنه‌کاندا کراون.

ئیخوان ئه‌لموسلیمین له‌ به‌یانـنامه‌یه‌کدا ڕۆژی هه‌ینی گوتی سـکاڵاکان پـێـکهاتووه‌ له‌ ترساندن و تۆقاندن و شه‌ڕفرۆشتن و پـێشـێلیکردن له‌ لایه‌ن لایه‌نگرانی پارتی دیموکراتیکی نیشتیمانیـیه‌وه‌.

بابه‌تی په‌یوه‌ندیدار

XS
SM
MD
LG