Accessibility links

داعش بەرپـرسیارێتی خۆی لە تەقینەوەکەی میسر ڕاگەیاند ئەوەی 29 کەسی بریندارکرد

  • VOA News

داعش بەرپـرسیارێتی خۆی ڕاگەیاند لەو تەقینەوە بەهێزەی بەرەبەیانی ئەمڕۆ پـێنجشەممە ناوچەیەکی باکوری قاهیرەی هەژاند و بووە مایەی برینداربوونی بە لایەنی کەم 29 کەس.

تەقینەوەکە لە دەوروبەری کاژمێر 2 ی بەرەبەیان بە ئۆتۆمبیلێـکی بۆمبڕێژکراو ئەنجامدرابوو لە نزیک بارەگایەکی ئاسایش لە ناوچەی شوبرا ئەلخەیمەی باکوری قاهیرە لە پارێزگای ئەلقەلیوبیـیە.

کاربەدەسـتێـکی ئاسایشی میسر گوتی لە نێو بریندارەکاندا 11 سەرباز و پـۆلیس هەن و کەس گیانی لەدەست نەداوە.

کاربەدەسـتێـکی تەندروستیش گوتی زۆربەی بریندارەکان برینەکانیان سووک بووە و ڕەوانەی ماڵەوە کراونەتەوە.

تەقینەوەکە هێندە بەهێزبووە کە زیانێـکی ماددی زۆری بە ناوچەکە گەیاندووە، لەوانە خانوویەکی کۆنی داڕماندووە، هەروەها شوشەی پەنجەرەی بیناکانی ناوچەکەی شکاندووە.

داعش لە ڕاگەیاندنێـکیدا گوتی ئەوەی لە تۆڵەی 6 چەکداری ئەنجامداوە کە لە مانگی پـێنجدا لەسێدارەدراون.

XS
SM
MD
LG