Accessibility links

د. مه‌حموود: سازدانی لووتکه‌یی کۆمکاری عه‌ره‌بی به‌لای منه‌وه‌ گرنگ نییه‌ چونکه‌ شتی گرنگتر له‌وه‌ له‌پێشدایه

  • Haider Kreem

ماوه‌یه‌که‌ حکومه‌تی عێراق به‌تایبه‌تیش خودی نوری مالیکی سه‌رۆک وه‌زیری عێراق بایه‌خێکی یه‌کجار زۆر ده‌دات به‌ سازدانی کۆبوونه‌وه‌ی لووتکه‌یی کۆمکاری عه‌ره‌بی له‌ عێراقدا.

دکتۆر مه‌حموود عوسمان سیاسه‌تکاری کورد و ئه‌ندامی سه‌ربه‌خۆ له‌ په‌ڕله‌مانی عێراق سه‌ر به‌ لیستی هاوپه‌یمانێتی کوردستانی له‌ وتووێژێکدا له‌ گه‌ڵ حه‌یده‌ر که‌ریم له‌ به‌شی کوردی ده‌نگی ئه‌مه‌ریکا ده‌ڵێت ئاشکرایه‌ که‌ مالیکی و حکومه‌تی عێراقی گرنگی زۆر به‌و کۆبوونه‌وه‌ی لووتکه‌یی کۆمکاری عه‌ره‌بی له‌ عێراقدا ده‌دات بۆ ئه‌وه‌ی ده‌ریبخات که‌ ده‌توانێت سه‌رکردایه‌تی لایه‌نی عه‌ره‌بی بکات بۆ ماوه‌ی ساڵێک و مالیکی سازدانی ئه‌و کۆبوونه‌وه‌ لووتکه‌ییه‌ به‌کار ده‌هێنێت بۆ ئه‌وه‌ی به‌سه‌رکه‌وتنێک بۆ خۆی حیسابی بکات.

دکتۆر مه‌حموود ده‌شڵێت سه‌رۆک وه‌زیر مالیکی ده‌یه‌وێت به‌سازدانی لووتکه‌یی کۆمکاری عه‌ره‌بی له‌ عێراقدا په‌یامێک ڕابگه‌ینێت و بڵێت که‌ ئێمه‌ ده‌توانین کۆبوونه‌وه‌ی وا ساز بده‌ین چونکه‌ ڕه‌وشی ئاسایشی سه‌قامگیره‌ و وانییه‌ وه‌ک له‌ ده‌ره‌وه‌ تێده‌ڕوانن.

ده‌توانن له‌ ڕێی کلیککردنی ئه‌و فایله‌ ده‌نگیه‌ی سه‌ره‌وه‌ی ده‌سته‌ چه‌پ گوێبیستی ته‌واوی گفت و گۆکه‌ بن که‌ ماوه‌که‌ی 8:36 خوله‌که

XS
SM
MD
LG