Accessibility links

دکتۆر کاوه‌ مه‌حمود: هاوکاری هه‌رێم له‌گه‌ڵ وڵاتانی ده‌وروبه‌ردا هه‌رگیز هاوکاریه‌کی سه‌ربازی نابێت له‌سه‌ر به‌رژه‌وه‌ندی گه‌لی کورد له‌ هه‌ر پارچه‌یه‌کدا بێت

  • Balen Salih

دکتۆر کاوه‌ مه‌حمود

دکتۆر کاوه‌ مه‌حمود

بۆ یه‌که‌م جاره‌ سه‌ره‌ک وه‌زیرێکی تورکیا به‌ فه‌رمی سه‌ردانی هه‌رێمی کوردستانی عێراق بکات و له‌گه‌ڵ گه‌وره‌ کاربه‌ده‌ستانی هه‌رێمه‌که‌دا کۆببێته‌وه‌.

ده‌مڕاستی حکومه‌تی هه‌رێمی کوردستانی عێراق ده‌ڵێت گرنگی ئه‌م سه‌ردانه‌ وه‌ک ڕچه‌ شکاندنێک وایه‌ له‌ په‌یوه‌ندیه‌کانی نێوان هه‌رێم و تورکیادا و ده‌شبێته‌ زه‌مینه‌یه‌ک بۆ په‌یوه‌ندییه‌ ئاینده‌ییه‌کان و په‌ره‌سه‌ندنیان.

دکتۆر کاوه‌ مه‌حمود ده‌ڵێت سه‌ردانی سه‌ره‌ک وه‌زیری تورکیا بۆ هه‌ولێر ده‌کرێت وه‌ک سه‌رکه‌وتنێک‌ بۆ سیاسه‌تی ده‌ره‌وه‌یی حکومه‌تی هه‌رێمی کوردستانی عێراق لێی بڕوانرێت ، که‌ ده‌توانێت وه‌ک دکتۆر کاوه‌ ده‌ڵێت له‌م هه‌ل و مه‌رجه‌ ئاڵۆزه‌ی ڕۆژهه‌ڵاتی ناوه‌ڕاستدا سه‌قامگیریه‌ک بدۆزێته‌وه‌ له‌ په‌یوه‌ندیه‌کانیدا له‌گه‌ڵ وڵاتانی ناوچه‌که‌دا.

له‌ وه‌ڵامی پرسیارێکی هاوکارمان به‌ڵێن ساڵح سه‌باره‌ت به‌ بارو دۆخی سنوری نێوان هه‌رێمی کوردستانی عێراق و تورکیا و هه‌روه‌هاش کێشه‌ی ئاسایشی ، دکتۆر کاوه‌ ده‌ڵێت سیاسه‌تی هه‌رێمی کوردستان ئه‌وه‌یه‌ به‌ هیچ لایه‌نێک نه‌ گووتویه‌تی و نه‌ ده‌شڵێت تێرۆریست ، و حکومه‌تی هه‌رێمی کوردستانیش له‌گه‌ڵ چاره‌سه‌رکردنی ئاشتیانه‌دایه‌ بۆ چاره‌سه‌رکردنی کێشه‌کانی کورد له‌ هه‌ر وڵاتێکدا بێت.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی گفت و گۆکه‌ بن که‌ ماوه‌که‌ی 10:04 خوله‌که‌.

بابه‌تی په‌یوه‌ندیدار

XS
SM
MD
LG