Accessibility links

ڕاپـۆرتێـک سەبارەت بە کوژرانی سەرۆکی ڕێکخراوی ئیحیا دێر لە دیاربەکر

  • VOA News

چەند چەکدارێک هێرشیان کردووەتە سەر سەرۆکی ڕێـکخراوێـکی خێرخوازی ئیسلامی لە شاری دیاربەکر و کوشتوویانە و پاشان ئاژاوەی لێـکەوتووەتەوە و 2 کەسی دیکەش کوژراون.

بەپـێی هەواڵەکان ئایتاچ باران سەرۆکی ڕێکخراوی ئیحیا دێر Ihya-Der ڕۆژی سێشەممە لە بەردەم ماڵەکەی خۆی کوژرا. پاشان کەسانی سەر بە ڕێکخراوەکە تەقەیان بە ئاسـماندا کردووە و پەلاماری لایەنگرانی هەدەپەیان داوە و بە کوشتنەکە تۆمەتباریان کردوون.

بەڵام هەدەپە لە بەیانـنامەیەکدا بە توندی هێرشەکەی سەرزەنشتکرد و داوایکرد لێـکۆڵینەوەیەکی تەواو بکرێت و گومانباران ڕاپـێچی بەردەم دادگا بکرێن.

بەپـێی میدیاکانی تورکیا 3 ڕۆژنامەوان لەم ئاژاوەیەدا برینداربوون کە دووانیان بۆ ئاژانسی DHA کاردەکەن و ئەوی دیکەیان کارمەندی ئاژانسی IHA یە. هەروەها پـۆلیسێـکیش برینداربووە.

خەجیحان فارقین پەیامنێری دەنگی ئەمەریکا لە دیاربەکر ڕاستەوخۆ لە بەرنامەکانی ڕادیۆ سەبارەت بە ڕووداوەکە ڕاپـۆرتێـکی پێشکەش کرد.

XS
SM
MD
LG