Accessibility links

سه‌رۆکی شـاره‌وانی واشنتنی پایته‌خت له‌سه‌ر خۆپـیشـاندانی بێ مۆڵه‌ت ده‌سـتگیرده‌کرێت

  • VOA News

ڤنسنت گره‌ی سه‌رۆکی شـاره‌وانی واشنتنی پایته‌خت له‌ ده‌می ده‌سـتگیرکردنی له‌ لایه‌ن پـۆلیسه‌وه‌ له‌ به‌رده‌م کۆنگرێسی ئه‌مه‌ریکا، پاش نێوه‌ڕۆی دووشه‌ممه‌ 11 ی چواری 2011

ڤنسنت گره‌ی سه‌رۆکی شـاره‌وانی واشنتنی پایته‌خت له‌ ده‌می ده‌سـتگیرکردنی له‌ لایه‌ن پـۆلیسه‌وه‌ له‌ به‌رده‌م کۆنگرێسی ئه‌مه‌ریکا، پاش نێوه‌ڕۆی دووشه‌ممه‌ 11 ی چواری 2011

سه‌رۆکی شـاره‌وانی واشنتنی پایته‌خت ده‌سـتگیرکرا له‌ ده‌می به‌شـداریکردنی له‌ خۆپـیشـاندانێـکی ناڕه‌زایی له‌ دژی که‌مکردنه‌وه‌ی ئه‌و بودجه‌یه‌ی له‌ لایه‌ن حکومه‌تی فیدراڵیـیه‌وه‌ بۆ پایته‌خت ته‌رخان کراوه‌.

ڤنسنت گره‌ی سه‌رۆکی شـاره‌وانی و چه‌ند ئه‌ندامێـکی ئه‌نجومه‌نی واشنتنی پایته‌خت پاش نیوه‌ڕۆی دووشه‌ممه‌ ده‌سـتگیرکران پاش ئه‌وه‌ی شه‌قامی به‌ر ده‌رکی سه‌ره‌کی باڵه‌خانه‌ی ئه‌نجومه‌نی سیناتیان گرت. پـۆلیسی واشنتن ده‌ڵێت ڤنسنت گره‌ی و چه‌ند ئه‌ندامێـکی ئه‌نجومه‌نی شـاره‌وانی له‌ نێو ئه‌و 41 که‌سه‌دا بوون که‌ ده‌سـتگیرکران به‌ تۆمه‌تی مۆڵه‌تی گردبوونه‌وه‌یان وه‌رنه‌گرتووه‌ و ڕێـگه‌یان له‌ هاتوچۆی خه‌ڵـکی گرتووه‌.

خۆپـیشـانده‌ران له‌وه‌وه‌ توڕه‌ بوون که‌ له‌ بودجه‌ی سـاڵی 2011 ی حکومه‌تی فیدراڵی به‌شی واشنتنی پایته‌خت که‌م کراوه‌ته‌وه‌. سه‌رۆک ئۆباما و ئه‌ندامانی کۆنگرێس دره‌نگانێـکی شه‌وی هه‌ینی و له‌ کاتژمێرێـک به‌ر له‌وه‌ی ماوه‌ی خه‌رجکردنی بودجه‌ی فیدراڵی ته‌واوبێت ڕێـکه‌وتن.

ئه‌گه‌ر هاتوو ئه‌و بودجه‌یه‌ په‌سه‌ندکرا، ئه‌وا واشنتنی پایته‌خت ناتوانێت پاره‌ی ناوچه‌که‌ی و فیدراڵی بۆ حاڵه‌ته‌کانی له‌باربردنی منداڵ بۆ خێزانه‌ که‌م ده‌رامه‌ته‌کان دابین بکات.

بابه‌تی په‌یوه‌ندیدار

XS
SM
MD
LG