Accessibility links

هێله‌ری کلنتن سه‌ردانی سێ وڵاتی ئاسـیاوی ده‌کات

  • VOA News

وه‌زیری ده‌ره‌وه‌ی وڵاته‌ یه‌کگرتووه‌کانی ئه‌مه‌ریکا هێله‌ری کلنتن ئه‌مڕۆ به‌ گه‌شتێکی شه‌ش ڕۆژی بۆ خۆرهه‌ڵاتی ئاسیا به‌ڕێ ده‌که‌وێت و له‌وێ ڕووبه‌ڕووی چه‌ندان مه‌سه‌له‌ی مشتومڕاوی ده‌بێته‌وه‌.

بڕیاره‌ سبه‌ی هه‌ینی خانم هێله‌ری بگاته‌ تۆکیۆی پایته‌ختی ژاپۆن و وتووێژ له‌گه‌ڵ سه‌ره‌ک وه‌زیرانی ژاپۆنی و هه‌روه‌ها له‌گه‌ڵ هاوتای ژاپـۆنیدا بکات.

ئه‌وه‌ی جێی ئاماژه‌یه‌ هه‌ردوو وڵات به‌ هۆی نیشته‌جێ‌کردنه‌وه‌ی سه‌بازانی مارینزی وڵاته‌ یه‌کگرتووه‌کانی ئه‌مه‌ریکا له‌ دورگه‌ی ئۆکیناوا له‌ مشتومڕ و ناکۆکیدان

دوای سه‌ردانه‌که‌ی بۆ ژاپۆن، وه‌زیری ده‌ره‌وه‌ی ئه‌مه‌ریکا، سه‌ردانی چین ده‌کات و ڕۆژی شه‌ممه‌ی داهاتوو سه‌ردانی به‌شی ئه‌مه‌ریکا له‌ نمایشگه‌ی شه‌نگه‌های ده‌کات، به‌ر له‌وه‌ی چاوی به‌ به‌رپرسانی باڵای ئه‌مه‌ریکای و چینی له‌ په‌کین بکه‌وێت و چاوه‌ڕوانیش‌ده‌کرێت مه‌سه‌له‌کانی ئابووری ته‌وه‌ره‌ی وتووێژه‌کانی بێت، له‌ نێویاندا کێشه‌ی به‌مه‌به‌ست دابه‌زاندنی به‌های دراوی چینی.

ئه‌وه‌ی شایانی باسه‌، وڵاته‌ یه‌کگرتوه‌کانی ئه‌مریکا حکومه‌تی چینی به‌ کۆنتڕۆڵکردنی توندی دروای " یۆن" تاوانبارکردوه‌. ئه‌و کاره‌ی وه‌ک‌ وڵاته‌ یه‌کگرتووه‌کانی ئه‌مه‌ریکا ده‌ڵێت، به‌هاکانی هه‌نارده‌ی کاڵاکانی چینی له‌ بازاڕه‌کانی جیهاندا هه‌رزانتر کردووه‌، به‌ به‌راورد له‌گه‌ڵ نرخه‌کانی هه‌نارده‌ی کاڵای وڵاتانی دیکه‌ له‌ بازاره‌کانی جیهاندا.

بابه‌تی په‌یوه‌ندیدار

XS
SM
MD
LG