Accessibility links

گه‌یتس گه‌شبینه‌ به‌ باشـترکردنی په‌یوه‌ندیـیه‌کان له‌گه‌ڵ چیندا


وه‌زیری به‌رگری ئه‌مه‌ریکا ڕۆبه‌رت گه‌یتس له‌ میانه‌ی سه‌ردانه‌که‌ی بۆ دیواری مه‌زنی چین، چوارشه‌ممه‌ 12 ی یه‌کی 2011
وه‌زیری به‌رگری ئه‌مه‌ریکا ڕۆبه‌رت گه‌یتس له‌ میانه‌ی سه‌ردانه‌که‌ی بۆ دیواری مه‌زنی چین، چوارشه‌ممه‌ 12 ی یه‌کی 2011

وه‌زیری به‌رگری ئه‌مه‌ریکا ڕۆبه‌رت گه‌یتس کۆتایی به‌ سه‌ردانه‌ چوار ڕۆژیـیه‌که‌ی بۆ چین هێنا و ده‌ڵێت ئه‌و بۆی ده‌رکه‌وتووه‌ ڕێبه‌رانی سیڤیلی و له‌شـکری ئه‌و وڵاته‌ ئاماده‌ن په‌یوه‌ندیـیه‌کانی نێوان ئه‌مه‌ریکا و چین بۆ ئاسـتێـکی باشتر به‌رن.

به‌ڕێز گه‌یتس ڕۆژی چوارشه‌ممه‌ی له‌ ناوه‌ندی فه‌رمانده‌یی ئه‌و وڵاته‌ به‌سه‌ر برد و هه‌روه‌ها سه‌ردانی دیواره‌ مه‌زنه‌که‌ی چینی کرد له‌ باکوری به‌یژین، به‌ر له‌وه‌ی به‌ره‌و ژاپـۆن بڕوات. بڕیاره‌ ڕۆژی هه‌ینیش له‌ کۆریای باشور بـبێت.

گه‌یتس گوتی ئه‌و خۆشحاڵ بووه‌ به‌و وتووێژانه‌ی له‌گه‌ڵ فه‌رمانده‌کاندا ئه‌نجامی داون‌ له‌ فه‌رمانده‌یی ناوکی چین، له‌ نێویاندا ئه‌وانه‌ی سه‌باره‌ت به‌ سـتراتیژیـیه‌تی ناوکی چین کراون. گوتی فه‌رمانده‌ی ده‌زگای ژینگهای که‌ ده‌که‌وێته‌ ده‌ره‌وه‌ی به‌یژین بانگهێشـته‌که‌ی قبوڵ کردووه‌ بۆ سه‌ردانی فه‌رمانده‌ی سـتراتیژی ئه‌مه‌ریکا له‌ ویلایه‌تی نبراسـکا.

گه‌یتس گوتی ئه‌و هه‌روه‌ها خۆشحاڵه‌ به‌ ئه‌نجامی سه‌ردانه‌که‌ی که‌ مه‌به‌ست لێی دووبارکردنه‌وه‌ی په‌یوه‌ندیـیه‌کانی نێوان هه‌ردوو له‌شـکره‌ و خۆ دورگرتن له‌ به‌ هه‌ڵه‌ له‌ یه‌ک تێـگه‌یشـتن و هه‌ڵسه‌نگاندنی نادوروست.

بابه‌تی په‌یوه‌ندیدار

XS
SM
MD
LG