Accessibility links

چین ده‌ڵێت یاخیبوانی لیبیا سه‌ردانی په‌کین ده‌که‌ن


یاخیبوانی لیبیا له‌ شاری میسراته‌
یاخیبوانی لیبیا له‌ شاری میسراته‌

کاربه‌ده‌ستانی چین ده‌ڵێن به‌م زووانه‌ چاویان به‌ شانده‌یه‌کی بزوتنه‌وه‌ی لیبیا ده‌که‌وێت له‌ په‌کین.

ئاژانسی هه‌واڵه‌کانی ژه‌نهوا له‌ سه‌ر زاری (چین ژیاودۆنگ) کاربه‌ده‌ستی وه‌زاره‌تی ده‌ره‌وه‌ی چین بڵاویان کرده‌وه‌ که‌ له‌ میانه‌ی ڕاگه‌یاندنێکدا ئه‌و گه‌شته‌ی ڕاگه‌یاندبوو. ناوبراو ئه‌و وته‌یه‌ی ڕاگه‌یاند له‌م ده‌مه‌ی نێردراوێکی ڕێبه‌ری لیبیا موعه‌ممه‌ر قه‌زافی کۆتایی به‌ سه‌ردانێکی دوو ڕۆژ خایه‌نی ده‌هێنیت که‌ تێدا داوای له‌ چین کرد یارمه‌تی بده‌ن له‌ مسۆگه‌رکردنی ئاگر به‌ستی نێوان حکومه‌ته‌که‌ی و یاخیبواندا.

کاربه‌ده‌سته‌که‌ی وزاره‌تی ده‌ره‌وه‌ گوتی په‌کین ئاماده‌یه‌ له‌ داهاتوویه‌کی نزیکدا چاویان به‌ یاخیبوانی لیبیا بکه‌و‌ێت به‌ڵام ڕۆژه‌که‌ی دیاری نه‌کرد.

ئه‌و ڕاگه‌یاندنه‌ هاتووه‌ دوابه‌دوای په‌یوه‌ندیـیه‌کانی ئه‌م دواییه‌ی نێوان دیپلۆماتانی چین و ڕێبه‌رانی یاخیبوان له‌ قه‌ته‌ر و بنکه‌ی یاخیبوان له‌ به‌نغازی.

ئه‌و په‌یوه‌ندیانه‌ ئه‌و قسه‌یه‌ی هێناوه‌ته‌ گۆڕێ که‌وا چین که‌ به‌شێکی زۆری نه‌وته‌که‌ی له‌ هه‌رێمه‌که‌وه‌ وه‌رده‌گرێت هه‌وڵ ده‌دات ڕۆڵێکی گه‌وره‌تر وه‌ك ئاشتی دامه‌زرێنه‌ری لیبیا ببینێت.

XS
SM
MD
LG