Accessibility links

گه‌یتس: کۆریای باکور له‌ ماوه‌ی پـێـنج سـاڵدا ده‌بێته‌ خاوه‌ن موشه‌کی بالستی


وه‌زیری به‌رگری ئه‌مه‌ریکا ڕۆبه‌رت گه‌یتس له‌گه‌ڵ سه‌رۆکی چین هو ژینتاو له‌ به‌یژین کۆده‌بێته‌وه‌، سێشه‌ممه‌ 11 ی یه‌کی 2011
وه‌زیری به‌رگری ئه‌مه‌ریکا ڕۆبه‌رت گه‌یتس له‌گه‌ڵ سه‌رۆکی چین هو ژینتاو له‌ به‌یژین کۆده‌بێته‌وه‌، سێشه‌ممه‌ 11 ی یه‌کی 2011

وه‌زیری به‌رگری ئه‌مه‌ریکا ڕۆبه‌رت گه‌یتس ده‌ڵێت ئه‌و له‌و بڕوایه‌دایه‌ کۆریای باکور له‌ ماوه‌ی پـێـنج سـاڵدا ده‌بێته‌ خاوه‌نی موشه‌کی بالسـتی کیشوه‌ر بڕ که‌ ده‌توانێت هه‌ڕه‌شه‌ بۆ سه‌ر ئه‌مه‌ریکا دروست بکات.

ڕۆژی سێشه‌ممه‌ به‌ڕێز گه‌یتس ئه‌م پـێشـبینیـیه‌ی کرد پاش ئه‌وه‌ی له‌ به‌یژین کۆبوونه‌وه‌یه‌کی له‌گه‌ڵ سه‌رۆکی چین هو ژینتاو سـازکرد. کاتێـکیش پـرسیاری لێکرا وڵاته‌ یه‌کگرتووه‌کانی ئه‌مه‌ریکا چ نه‌خشه‌یه‌کی هه‌یه‌ بۆ به‌رگریکردن له‌خۆی، وه‌زیری به‌رگری ئه‌مه‌ریکا گوتی ئه‌و له‌و باره‌یه‌وه‌ وتووێژ ده‌کات تا ڕێـگه‌چاره‌یه‌ک بدۆزنه‌وه‌ بۆ ئه‌وه‌ی کۆریای باکور قایل بکه‌ن ڕێـگه‌یه‌کی دیکه‌ بگرێته‌به‌ر.

کاربه‌ده‌سـتانی ئه‌مه‌ریکایی ده‌ڵێن به‌ڕێز گه‌یتس هه‌روه‌ها پـرسیاری له‌ سه‌رۆکی چینی کردووه‌ سه‌باره‌ت به‌و ڕاپـۆرته‌ هه‌واڵیـیانه‌ی که‌ ده‌ڵێن چین زوویه‌کی ئه‌مڕۆ فڕۆکه‌یه‌کی نادیار له‌سه‌ر ڕاداری تاقیکردۆته‌وه‌.

XS
SM
MD
LG