Accessibility links

خۆپـیشـاندانی دژی کۆماری ئیسلامی ئێران له‌ له‌نده‌ن

  • Chiman Rahimi

خۆپـیشـاندانی دژی کۆماری ئیسلامی ئێران له‌ له‌نده‌ن

خۆپـیشـاندانی دژی کۆماری ئیسلامی ئێران له‌ له‌نده‌ن

ئێواره‌ی 11 ی دووی 2011 ، به‌ بۆنه‌ی تێپه‌ڕبوونی 31 سـاڵ به‌سه‌ر دامه‌زراندنی کۆماری ئیسلامی ئێران، به‌ سه‌دان که‌س له‌ دانیشـتوانی کورد و ئێرانی ڕژانه‌ سه‌رشه‌قامه‌کانی به‌رده‌م باڵیۆزخانه‌ی ئێران له‌ شـاری له‌نده‌نی پایته‌ختی به‌ریتانیا و بۆ چه‌ندین کاتژمێر به‌ گوتنه‌وه‌ی دروشم و سـروود خوازیاری ده‌ست له‌کارکێشـانه‌وه‌ی حکومه‌تی ئیسلامی له‌ ئێران بوون، وه‌ داوایان کرد ده‌سـتبه‌جێ هه‌موو به‌ندکراوانی سیاسی له‌و وڵاته‌ ئازادبکرێن و چیدی ڕێـگه‌ به‌ ئه‌شـکه‌نجه‌ و له‌سێداره‌دان نه‌درێت.

له‌ سه‌ره‌تای به‌رنامه‌که‌دا خۆپـیشـانده‌ران پـرسه‌ و سه‌ره‌خۆشی خۆیان ئاڕاسته‌ی گه‌لی کورد و بنه‌ماڵه‌ی مامۆسـتا شێخ عیزه‌دین حوسێنی که‌سـایه‌تی سیاسی سه‌رشـناسی کورد کرد که‌ شه‌وی 10 ی مانگی دووی 2011 کاتژمێر 12 ی شه‌و له‌ شـاری ئۆپـسالای سوید دڵی گه‌وره‌ی بۆ هه‌میشه‌ له‌ لێـدان که‌وت.

له‌ ناو خۆپـیشـانده‌راندا له‌ ناکاو گه‌نجێـک خۆی گه‌یانده‌ به‌ر ده‌رکی باڵیۆزخانه‌ی کۆماری ئیسلامی ئێران و هه‌وڵی ئه‌وه‌ی دا تا چرای ڕازاندنه‌وه‌ که‌ به‌ بۆنه‌ی ئه‌م ڕۆژه‌وه‌ له‌ ده‌وروبه‌ری باره‌گای ئیسلامی هه‌ڵواسرابوون بکێشێته‌ خواره‌وه‌، به‌ڵام به‌ر له‌وه‌ی ده‌ستی بگاته‌ چراکان پـۆلیس ڕاپـێچی کرد و ئه‌مه‌ بووه‌ هۆی هاتنی ژماره‌یه‌کی ئێـکجار زۆری پـۆلیسی تایبه‌ت بۆ گه‌مارۆدانی زیاتری خۆپـیشـانده‌ران.


ده‌توانن گوێبیسـتی ده‌قی ڕاپـۆرته‌كه‌ی چیمه‌ن ڕه‌حیمی په‌یامنیری ده‌نگی ئه‌مه‌ریکا له‌ له‌نده‌ن بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ‌، ماوه‌كه‌ی 5:38 خوله‌كه‌.

بابه‌تی په‌یوه‌ندیدار

XS
SM
MD
LG