Accessibility links

له‌ هێرشێـکی خۆکوژی له‌ پایته‌ختی چیچان 9 که‌س ده‌کوژرێن

  • VOA News

له‌ هێرشێـکی خۆکوژی له‌ پایته‌ختی چیچان 9 که‌س ده‌کوژرێن

له‌ هێرشێـکی خۆکوژی له‌ پایته‌ختی چیچان 9 که‌س ده‌کوژرێن

ده‌سه‌ڵادرانی ڕووسیا ده‌ڵێن ئه‌مڕۆ له‌ گرۆزنی پایته‌ختی چیچان 3 هێرشبه‌ری خۆکوژ به‌لای که‌م 9 که‌سیان کوشتووه‌ که‌ حه‌وتیان له‌ هێزه‌کانی پـۆلیس بوون.

یه‌که‌م هێرشبه‌ر له‌ ده‌مێکدا خۆی ته‌قاندبووه‌ که‌ هێزه‌کانی پۆلیس خه‌ریکی ده‌ستگیرکردن بوون له‌ نزیک باره‌گای په‌رله‌ماندا له‌ ناوه‌ندی گرۆزنی و هه‌ر له‌ نزیک ئه‌و جێگه‌یه‌دا و له‌ پاش نزیکه‌ی 20 خوله‌ک و دوای گه‌یشتنی ژماره‌یه‌کی تری هێزه‌کانی پۆلیس و کارمه‌ندانی فریاگوزاری بۆ شوێنی ڕووداوه‌که‌ دوو هێرشبه‌ره‌که‌ی تر خۆیان ته‌قاندبۆوه‌.

هه‌ر له‌ ئاکامی ئه‌م ته‌قینه‌وانه‌ پتر له‌ 20 که‌سی دیکه‌ برینداربوون و هه‌تا ئاماده‌کردنی ئه‌م هه‌واڵه‌ هیچ لایه‌نێک به‌رپرسیارێتی خۆی له‌م هێرشه‌ ڕانه‌گه‌یاندووه‌.

ئه‌م هێرشه‌ له‌و ده‌مه‌دا دێت که‌ خه‌ڵـکی له‌وێ جه‌ژنی ڕه‌مه‌زان به‌سه‌رده‌به‌ن.

شایانی باسه‌ کرملین له‌ هه‌وڵ و ته‌قه‌لادایه‌ بۆ نه‌هێشـتنی یاخیبوونی ئیسلامی له‌ باکوری هه‌رێمی قه‌فقازدا.

XS
SM
MD
LG