Accessibility links

سه‌رۆکی پێشوی ئه‌مه‌ریکا: بیر‌م له‌وه‌ کردبۆوه‌ که‌سێکی تر له‌ جێگای چێنی دابنێم

  • VOA News

سه‌رۆکی پێشوی ئه‌مه‌ریکا: بیر‌م له‌وه‌ کردبۆوه‌ که‌سێکی تر له‌ جێگای چێنی دابنێم

سه‌رۆکی پێشوی ئه‌مه‌ریکا: بیر‌م له‌وه‌ کردبۆوه‌ که‌سێکی تر له‌ جێگای چێنی دابنێم

سه‌رۆکی پێشوی ئه‌مه‌ریکا جۆرج ده‌بلیو بۆش له‌ بیره‌وه‌ریه‌کانی خۆی دا گوتویه‌تی به‌ر له‌ هه‌ڵبژاردنه‌کانی 2004، بیری له‌وه‌ کردبۆوه‌ که‌سێکی تر له‌ جێگای جێگه‌ری سه‌رۆك دابنێت‌.

ڕۆژنامه‌ی نیویۆر‌ك‌ تایمز دانه‌یه‌ك له‌ کتێبه‌که‌ی‌ به‌ ناوی' هۆکاره‌کانی بریاردان' پێش ئه‌وه‌ی هه‌فته‌ی داهاتو بکه‌وێته‌ بازاڕ ده‌ست که‌ۆتووه‌. به‌رێز بۆش له‌ کتێبه‌که‌دا ده‌ڵێت، بیری له‌وه‌ کردبۆوه‌ له‌ پاش ته‌واو بوونی گه‌ری یه‌که‌می سه‌رۆکایه‌تی که‌سێکی تر له‌ جێگای دێك چێنی دابنێت وه‌ك کاردانه‌وه‌ به‌قسه‌ی ئه‌و که‌سانه‌ی ده‌یان گوت ئه‌و ده‌ستهه‌ڵاتێکی یه‌کجار زۆری له‌ کۆشکی سپی ده‌ده‌ست دابو.

به‌ڕێز بۆش له‌ کتێبه‌که‌دا ده‌شڵێت گۆڕینی چێنی' نیشانی ده‌دا که‌ من خۆم هه‌موکاره‌م' به‌ڵام ئه‌و بریاری دا بیهێڵیته‌وه‌ چونکه‌ جێگه‌ری سه‌رۆك یارمه‌تی دابو'ئه‌رکه‌که‌ ڕاپه‌ڕێنیت.'

به‌ڕێز بوش له‌ کتێبه‌که‌دا باس ده‌کات که‌ چێنی پشتیوانێکی به‌هێزی ده‌ست پێکردنی شه‌ڕ له‌ عێڕاق بوو. جارێکیان له‌ کاتی خوارده‌نی نانی نیوه‌ڕۆ، چێنی پرسیاری لێکردبوو ئایا نیازی له‌سه‌ر کار ده‌رکردنی دیکتاتۆری عێراق سه‌دام حسێنی هه‌یه‌ یان نا.

به‌ڕێز بوش به‌رگری له‌ بڕیاری خۆی بۆ‌ شه‌ڕ له‌ عێراق ده‌کات و ده‌ڵێت بریاره‌که‌ ده‌به‌رژه‌وه‌ندی گه‌لانی ئه‌مه‌ریکا و عێراق دابو.

سه‌رۆکی پێشو ده‌نوسیت که‌ ئه‌و خۆی تایبه‌تی ڕێگه‌ی دابو له‌کاتی سوال و جواب کرده‌ن ده‌گه‌ڵ نه‌خشه‌کێشی سه‌ره‌کی ئه‌لقاعیده‌ خالید شێخ محه‌مه‌د نوقمی ژێر ئاو بکرێت به‌ شێوه‌یه‌ك وابزانیت ده‌خه‌کێندرا بۆ ئه‌وه‌ی وه‌قسه ‌بێت.

XS
SM
MD
LG