Accessibility links

پاکستان ده‌ڵێت ئه‌و به‌ ته‌نها به‌رپـرسیار نیـیه‌ له‌ دواکه‌وتنی ده‌سـتنیشـانکردنی شوێنی بن لادن

  • VOA News

هێزه‌کانی له‌شـکری پاکسـتان له‌ ده‌وری ئه‌و ماڵه‌ی که‌ تیایدا ئوسامه‌ بن لادن کوژرا، سێشه‌ممه‌ 3 ی پـێنجی 2011

هێزه‌کانی له‌شـکری پاکسـتان له‌ ده‌وری ئه‌و ماڵه‌ی که‌ تیایدا ئوسامه‌ بن لادن کوژرا، سێشه‌ممه‌ 3 ی پـێنجی 2011

سه‌رۆک وه‌زیرانی پاکسـتان ڕایگه‌یاند ده‌زگاکانی موخابه‌راتی سه‌رانسه‌ری جیهان ئۆباڵی شـکسـتی وڵاته‌که‌ی له‌ ده‌سـتگیرکردنی ئوسامه‌ بن لادن ده‌گرنه‌ ئه‌سـتۆ له‌ ده‌مـێـکدا پاکسـتان به‌ره‌و ڕووی گوشـاره‌کان بووه‌ته‌وه‌ سه‌باره‌ت به‌ مانه‌وه‌ی ڕابه‌ری ئه‌لقاعیده‌ له‌ شـارۆچکه‌یه‌کی پاکسـتانی پـڕ له‌ هێزه‌کانی له‌شـکری پاکسـتان.

ئه‌مڕۆ له‌ پاریس سه‌رۆک وه‌زیرانی پاکسـتانی یوسف ڕه‌زا گه‌یلانی ڕایگه‌یاند ئه‌گه‌ر که‌مته‌رخه‌می له‌ سیخوڕیکردندا له‌ لایه‌ن پاکسـتانه‌وه‌ هه‌بێت، ئه‌وا که‌مته‌رخه‌می له‌ هه‌موو جیهانه‌وه‌ هه‌یه‌.

ڕۆژی دووشه‌ممه‌ی ڕابردوو له‌ میانه‌ی هێرشێـکدا له‌ شـارۆچکه‌ی ئه‌بت ئابادی پاکسـتان هێزێـکی تایبه‌تی ئه‌مه‌ریکایی ڕابه‌ری تۆڕی تێرۆریسـتی ئه‌لقاعیده‌ ئوسـامه‌ بن لادنیان کوشت.

ده‌سه‌ڵاتدارانی ئه‌مه‌ریکایی ئه‌و پـرسیاره‌ ده‌که‌ن که‌ چۆن ڕابه‌ری ئه‌لقاعیده‌ بۆ چه‌ندان سـاڵ توانیویه‌تی له‌و شـارۆچکه‌یه‌ له‌ خانوویه‌کی گه‌وره‌ی یه‌ک ملیۆنیدا بژی به‌بێ ئه‌وه‌ی ده‌سه‌ڵاتدارانی پاکسـتانی هیچ زانیاریـیه‌کیان له‌و باره‌یه‌وه‌ هه‌بووبێت.

له‌ لای خۆیه‌وه‌ له‌ ئه‌فغانسـتان گوته‌بێژی وه‌زاره‌تی به‌رگری ئه‌فغانی ڕایگه‌یاند که‌ ده‌بووایه‌ ده‌زگای موخابه‌راتی پاکسـتانی ئاگاداری جێگه‌ی نیشته‌جێی بن لادن بووایه‌، چونکه‌ خانووه‌که‌ی زۆر نزیک بووه‌ له‌ سه‌ربازگه‌یه‌کی سوپاوه‌.

هاوکات ئه‌مڕۆ هێزه‌کانی پـۆلیس و سوپای پاکسـتانی ده‌وروبه‌ری خانووه‌که‌ی بن لادنیان داوه‌.

پاکسـتان نکوڵی له‌ پاراسـتنی بن لادن کردووه‌ و ڕۆژی سێشه‌ممه‌ش حکومه‌ت ڕه‌خنه‌ی ئاڕاسته‌ی ئه‌و هێرشه‌ی ئه‌مه‌ریکا کرد که‌ له‌ ئاکامدا بن لادن کوژرا و پاکسـتان هۆشـداریشی دا که‌ نابێت وڵاتانی جیهان وه‌ها بزانن وڵاته‌که‌ له‌ به‌رده‌میاندا واڵایه‌.

XS
SM
MD
LG