Accessibility links

ئۆپۆزسیۆنی شیعه‌ی به‌حره‌ین 18 کورسی په‌رله‌مان ده‌باته‌وه‌

  • VOA News

هاوڵاتیه‌کی به‌حره‌ینی ده‌نگی خۆی له‌ هه‌ڵبژاردنه‌ په‌رله‌مانیـیه‌که‌ی وڵاته‌که‌ی ده‌دات، شه‌ممه‌ 23 ی ده‌ی 2010

هاوڵاتیه‌کی به‌حره‌ینی ده‌نگی خۆی له‌ هه‌ڵبژاردنه‌ په‌رله‌مانیـیه‌که‌ی وڵاته‌که‌ی ده‌دات، شه‌ممه‌ 23 ی ده‌ی 2010

هاوبه‌ندی سه‌ره‌کی شیعه‌کان له‌ به‌حره‌ین توانی له‌ هه‌ڵبژاردنه‌ په‌رله‌مانیـیه‌که‌ی ڕۆژی شه‌ممه‌دا 18 کورسی له‌ کۆی 40 کورسی په‌رله‌مانی وڵاته‌که‌یان به‌ده‌سـتبهێنێت.

ڕۆژی یه‌کشه‌ممه‌ کۆمسیۆنی هه‌ڵبژاردنه‌کانی به‌حره‌ین گوتی کۆمه‌ڵه‌ی ناسراو به‌ ویفاق کورسیـیه‌کی زیاتری بردۆته‌وه‌ به‌راورد به‌وه‌ی له‌ سـاڵی 2006 دا که‌ 17 کورسی بردبۆوه‌.

کاندیده‌کانی سه‌ر به‌ حکومه‌ت 13 کورسـیـیان به‌ده‌ستهێناوه‌.

ئۆپـۆزسیۆن ده‌ڵێت حکومه‌ت به‌ شێوه‌یه‌ک بازنه‌ی هه‌ڵبژاردنه‌کانی دابه‌شکردووه‌ که‌ ڕێـگه‌ له‌ ئۆپـۆزسیۆنی شیعه‌ ده‌گرێت بتوانێت زۆربه‌ی کورسـیـیه‌کانی په‌رله‌مان به‌ده‌سـتبهێنێت.

جێی ئاماژه‌ پـێـکردنه‌ شیعه‌ زیاتر له‌ 70% دانیشـتووانی به‌حره‌ین پـێـکده‌هێنن، به‌ڵام وڵاته‌که‌ له‌ ژێر ده‌سه‌ڵاتی بنه‌ماڵه‌یه‌کی سووننه‌یه‌.

کاربه‌ده‌سـتانی هه‌ڵبژاردنه‌کان ده‌ڵێن 67% به‌حره‌ینیـیه‌کان به‌شـداریان له‌ هه‌ڵبژاردنه‌کانی ڕۆژی شه‌ممه‌دا کردووه‌ که‌ سێهه‌م هه‌ڵبژاردن بووه‌ له‌و وڵاته‌دا بکرێت له‌وه‌ته‌ی 8 سـاڵه‌ ده‌سـتور نووسراوه‌.

بابه‌تی په‌یوه‌ندیدار

XS
SM
MD
LG