Accessibility links

ئه‌زهار ئه‌لشێخلی: له‌ باسکردنی کشانه‌وه‌ی ئه‌مریکادا ده‌بێت مه‌ترسیه‌کانی ئێران به‌ هێند وه‌ربگیرێن

  • Balen Salih

ئه‌زهار ئه‌لشێخلی: له‌ باسکردنی کشانه‌وه‌ی ئه‌مریکادا ده‌بێت مه‌ترسیه‌کانی ئێران به‌ هێند وه‌ربگیرێن

ئه‌زهار ئه‌لشێخلی: له‌ باسکردنی کشانه‌وه‌ی ئه‌مریکادا ده‌بێت مه‌ترسیه‌کانی ئێران به‌ هێند وه‌ربگیرێن

هه‌ندێک له‌ سه‌رچاوه‌کانی هه‌واڵ وای باسده‌که‌ن ڕێبه‌رانی عێراق تێگه‌یشتنیان هه‌یه‌ بۆ درێژکردنه‌وه‌ی ماوه‌ی مانه‌وه‌ی ئه‌و سه‌ربازانه‌ی ئه‌مریکا که‌ له‌ عێراقن،و وه‌ک هێزی پشتیوانی به‌ پێویستیشی ده‌زانن.

ڕۆبێرت گه‌یتس ، وه‌زیری به‌رگری وڵاته‌ یه‌کگرتوه‌کانی ئه‌مریکا پێشتر گوتویه‌تی هیچ یه‌کێک له‌ سیاسه‌تمه‌دارانی عێراق ناخوازێت ببێته‌ یه‌که‌م که‌س ئه‌و جۆره‌ داوایه‌ بکات.

ئه‌زهار ئه‌لشێخلی ، ئه‌ندامی په‌رله‌مانی عێراق له‌سه‌ر لیستی ئه‌لعێراقیه‌ ده‌ڵێت وڵاته‌که‌ی له‌ بارێکی ناجێگیردایه‌ و هه‌ڵسه‌نگاندنێکی زۆر وورد پێویسته‌ بۆ بڕیاردان له‌سه‌ر کسانه‌وه‌ی سه‌ربازه‌کانی ئه‌مریکا.

خانم ئه‌لشێخلی ده‌شڵێت نابێت ئه‌و مه‌سه‌له‌یه‌ بخرێته‌ قاڵبێکی سیاسیه‌وه‌ ، به‌ شێوه‌یه‌ک که‌ مه‌سه‌له‌ بنچینه‌ییه‌که‌ له‌ بیر بباته‌وه‌.

ئه‌م ئه‌ندام په‌رله‌مانه‌ی عێراق ده‌شڵێت ، له‌ باسکردنی ئه‌گه‌ره‌کانی کشانه‌وه‌ی سه‌ربازه‌کانی ئه‌مریکادا ده‌بێت مه‌سه‌له‌ی ئێران و ده‌ستێوه‌ردانی ئێران له‌ عێراقدا ڕه‌چاو بکرێت چونکه‌ وه‌ک ده‌ڵێت کشانه‌وه‌ی ئه‌مریکا یانی دروست بوونی بۆشاییه‌ک و ڕه‌خساندنی ده‌رفه‌تی زیاتر بۆ ده‌ستێوه‌ردانه‌کانی ئێران.

له‌سه‌ر بنچینه‌ی گفت و گۆکه‌ی له‌گه‌ڵ ئه‌زهار ئه‌لشێخلی ، ئه‌ندامی په‌رله‌مانی عێراق له‌سه‌ر لیستی ئه‌لعێراقیه‌ ، هاوکارمان به‌ڵێن ساڵح ڕاپۆرتێکی ئاماده‌کردووه‌.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی ڕاپۆرته‌که‌ بن که‌ ماوه‌که‌ی 4:21 خوله‌که‌.

بابه‌تی په‌یوه‌ندیدار

XS
SM
MD
LG