Accessibility links

عه‌زه‌م قوبادیپور ئێران به‌ درۆده‌خاته‌وه‌ و ده‌ڵێت کۆمه‌ڵه‌ که‌سێکی له‌ به‌ریتانیا نییه‌ به‌ ناوی جه‌لیل فه‌تاحی

  • Haider Karim

کۆمه‌ڵێـک ئێرانی ده‌یانه‌وێت په‌لاماری باڵیۆزخانه‌ی به‌ریتانیا له‌ تاران بده‌ن له‌سه‌ر ئه‌و قسانه‌ی ده‌وڵه‌تی ئێران که‌ ده‌ڵێت به‌ریتانیا یارمه‌تی کۆمه‌ڵه‌ی داوه‌ له‌ تیرۆرکردنی که‌سانی ئێرانی، پـێنجشه‌ممه‌ 4 ی یازده‌ی 2010

کۆمه‌ڵێـک ئێرانی ده‌یانه‌وێت په‌لاماری باڵیۆزخانه‌ی به‌ریتانیا له‌ تاران بده‌ن له‌سه‌ر ئه‌و قسانه‌ی ده‌وڵه‌تی ئێران که‌ ده‌ڵێت به‌ریتانیا یارمه‌تی کۆمه‌ڵه‌ی داوه‌ له‌ تیرۆرکردنی که‌سانی ئێرانی، پـێنجشه‌ممه‌ 4 ی یازده‌ی 2010

به‌ پێی ته‌له‌فزیۆنی ده‌وڵه‌تی ئێران کاربه‌ده‌ستان چوار که‌سیان گرتووه‌ که‌ به‌ تیرۆریست ناویان ده‌به‌ن و ده‌ڵێن په‌یوه‌ندییان به‌ به‌ریتانیاوه‌ هه‌یه‌. هه‌روه‌ها ده‌ڵێن دانییان به‌وه‌ ناوه‌ که‌ له ماوه‌ی دوو ساڵی ڕابردووه‌وه‌ پێنچ که‌سیان له‌ ناو ئێران تیرۆر کردووه‌ و به‌فه‌رمانی که‌سێک به‌ناوی ‌ جه‌لیل فه‌تاحی ئه‌و کارانه‌ ده‌که‌ن که‌ گوایه‌ له‌ به‌ریتانیا ده‌ژیت که‌ گوایه‌ ڕێبه‌رێکی کۆمه‌ڵه‌ی شۆڕشگێڕی زه‌حمه‌تکێشانی کوردستانه‌.

به‌لایه‌کی دیکه‌وه‌ ماڵپه‌ڕی تابناک که‌ سه‌رکرده‌ی پێشووی سوپای پاسداران موحسین ره‌زایی به‌رێوه‌ی ده‌بات یه‌کێتی نیشتیمانی کوردستانیی به‌وه‌ تاوانبار کردووه‌ که‌ باری ئاسایشی بۆ گۆنگره‌ی 13ی ‌ کۆمه‌ڵه‌ی شۆڕشگێڕی زه‌حمه‌تکێشانی کوردستانی له‌ نزیک شاری سلێمانی دابه‌ین کردووه‌و ئامێری پێشکه‌وتووی پێ داوه‌ بۆ له‌کارخستنی مۆبایل و بۆ پشکنین.

عه‌زه‌م قوبادیپور به‌رپرسی کۆمیته‌ی کۆمه‌ڵه‌ی شۆڕشگێڕی زه‌حمه‌تکێشانی کوردستان له‌ به‌ریتانیا له‌ وتوێژێکدا له‌ گه‌ڵ هاوکارمان حه‌یده‌ر که‌ریم ده‌ڵێت ئه‌و قسانه‌ی که‌ ده‌زگای هه‌واڵگه‌ری ئێران و ماڵپه‌ری تابناک بڵاویان کردۆته‌وه‌ دوورن له‌ ڕاستییه‌وه‌و ئێمه‌ خۆمان ئاسایشی کۆنگره‌که‌مان دابه‌ین کردووه‌.

بۆ بیستنی ده‌قی گفتوگۆی هاوکارمان حه‌یده‌ر که‌ریم له‌گه‌ڵ عه‌زه‌م قوبادیپور ، فایلی ده‌نـگی لای سه‌ره‌وه‌ ده‌سته‌ چه‌پ کلیک بکه که ماوه‌كه‌ی 4:50 خوله‌که‌‌.

بابه‌تی په‌یوه‌ندیدار

XS
SM
MD
LG