Accessibility links

فلیمێکی چاڕڵی چاپلن ‌که‌ له‌م دوایـیانه‌دا دۆزرایه‌وه‌ له‌ ڤێرجینیا نمایش کرا


چاڕڵی چاپلن

چاڕڵی چاپلن

فلیمێـکی ئه‌کته‌ری به‌ناوبانگی کۆمیدی چاڕڵی چاپلن که‌ له‌م دوایـیانه‌ دۆزرایه‌وه‌ له‌ چوارچێوه‌ی چالاکیـیه‌کانی ڤیسـتیڤاڵی فلیمی کۆمیدی له‌ شـاری ئه‌رلنگتنی ویلایه‌تی ڤێرجینیا نمایش کرا، ئه‌مه‌ش له‌ پاش تێپه‌ڕبوونی نزیکه‌ی یه‌ک سه‌ده‌ به‌سه‌ر به‌رهه‌مهێنانیدا.

فلیمێکی چاڕڵی چاپلن ‌که‌ له‌م دوایـیانه‌دا دۆزرایه‌وه‌ له‌ ڤێرجینیا نمایش کرا

فلیمێکی چاڕڵی چاپلن ‌که‌ له‌م دوایـیانه‌دا دۆزرایه‌وه‌ له‌ ڤێرجینیا نمایش کرا

(دزگر) ناوی فلیمه‌که‌یه‌ و‌ ماوه‌كه‌ی‌ 10 خوله‌كه‌‌ له‌ ساڵی‌ 1914دا به‌رهه‌م هێنراوه‌.

ئه‌م فیلمه‌ی‌ چاپلن ساڵی‌ ڕابردوو له‌‌ مه‌زادێكدا بۆ فرۆشتنی‌ كه‌لوپه‌لی‌ كۆن‌ و ئه‌نتیکه‌ دۆزرایه‌وه‌، له‌و ده‌مه‌ی پیاوێک به ‌ناوی‌ (بۆل جیرۆكی‌) به‌ 100 دۆلاری‌ ئه‌مریكی‌ له‌ مه‌زاده‌كه‌دا كڕی.

فیلمه‌كه‌ هه‌ریه‌ک له‌ فۆرد ستیرلنجگ و ماک سواین ‌و ئێدگار كیندی‌ ڕۆڵی‌ تێدا ده‌بینن و له ‌لایه‌ن هینری‌ لیرمان به‌رهه‌م هێنراوه‌‌.

له‌و ماوه‌ كورته‌ی‌ فیلمه‌كه‌دا، چارلی‌ چاپلن ته‌نها بۆ ماوه‌ی‌ 3 خوله‌ک ده‌رده‌که‌وێت و تیایدا رۆڵی‌ پۆلیس ده‌بینێت.

ئه‌م فیلمه‌ له‌ لایه‌ن په‌یمانگای‌ فیلمی به‌ریتانیه‌وه‌ له‌ لیستی به‌رهه‌مه‌کانی چاپلن ئاماژه‌ی پێ‌نه‌کراوه‌ و ته‌نانه‌ت خودی‌ چارلی‌ چاپلنیش له‌ لیستی‌ فیلمه‌كانیدا باسی نه‌کردبوو، به‌ڵام ته‌نها ئه‌وه‌ نه‌بێت که‌ چاپلن له‌ ساڵی‌ 1965دا و له‌ چاوپێكه‌وتنێكیدا باسی‌ له‌وه‌ كردبوو كه‌ له‌ فیلمێكدا ڕۆڵی‌ پۆلیسی‌ بینیوه‌ به‌بێ‌ ئه‌وه‌ی‌ ناوی‌ فیلمه‌كه‌ بهێنێت.

XS
SM
MD
LG