Accessibility links

کۆمپانیای ئه‌پڵ ده‌ڵێت له‌ماوه‌ی سێ ڕۆژدا 1.7 ملیۆن له‌ ئایفۆنه‌ نوێـیه‌که‌ی فرۆشراوه‌

  • VOA News

کۆمپانیای ئه‌پڵی ئه‌مه‌ریکی بۆ دروسـتکردنی ئامێره‌ ئه‌لیکترۆنیـیه‌کان ده‌ڵێت له‌ ماوه‌ی سێ ڕۆژی ڕابردوو که‌ ئه‌و ئایفۆنه‌ نوێـیه‌ی که‌تۆته‌ بازاڕه‌وه‌ 1.7 ملیۆن دانه‌ی لێـفرۆشـراوه‌.

به‌ڕێوه‌به‌ری جێبه‌جێکاری ئه‌پڵ ستێڤ جابس ئه‌م ئایفۆنه‌ی‌ به‌ سه‌رکه‌وتووترین به‌رهه‌می دانا له‌ مێژووی کۆمپانیاکه‌دا که‌ بنکه‌که‌ی له‌ کالیفۆرنیایه‌.

جێی ئاماژه‌ پـێـکردنه‌ iPhone 4 له‌ ڕۆژی پـێـنجشه‌ممه‌وه‌ که‌وتۆته‌ بازاڕه‌کانی ئه‌مه‌ریکا و به‌ریتانیا و فه‌ڕه‌نسا و ئه‌ڵمانیا و ژاپـۆن. به‌هۆی ئه‌و داوا زۆری له‌سه‌رێتی له‌ هه‌ندێ له‌ بازاڕه‌کاندا نه‌ما.

ئه‌م ئایفۆنه‌ نوێـیه‌ تایبه‌تمه‌ندی زۆر باشی هه‌یه‌، له‌وانه‌ ته‌نکتره‌ و سکرینه‌که‌ی ڕۆشنتره‌ و دوو مایکرۆفۆنی هه‌یه‌ و کامێراکه‌ی وێنه‌ به‌ ڕۆشنی 5 میگاپـێـکسڵ ده‌گرێت و ڤیدیۆش به‌ HD واته‌ به‌ ئاسـتی زۆر به‌رزی ڕۆشنی. پـرۆسێسه‌ره‌که‌شی که‌ به‌ A4 ناسراوه‌ خێراتره‌.

XS
SM
MD
LG