ڕووداوەکانى زاخۆ و بادینان ناوچەکانى ئێزیدى و مەسیحیشی لە سنوورى دهۆک و موسڵیش دەگرێتەوە و ئەوان لە ترسى هێرشکردنە سەریان کەوتوونەتە ئامادەباشیـیه‌وه.
رۆژنامەوان دڵشاد نوعمان به دەنگى ئەمه‌ریکای گوت شەوى ڕابردوو زۆربەى خەڵکى شارۆچکەى خانکێ نەخەوتوون و پاسەوانیـیان لەخۆیان کردووە، چونکە ئەوان ئاگادار کرابوونەوە کە هێرشیان دەکرێتە سەر ناوبراو پـێى وایە پێویستە حکومەتى هەرێمى کوردستان ڕێوشوێنى پێویست لەو بارەیەوە بگرێتەبەر.
فایز حەراقى سەرۆکى سەنتەرى ڕۆشنبیرى باعەدرێ به دەنگى ئەمه‌ریکای گوت هەر ڕووداوێکى لەم جۆرە ڕووبدات ڕەوشەکە ئاڵۆزتر دەکات و دەشڵێت پاراستنى ژیانى هاوڵاتیان بە هەموو پێک هاتەکانیـیەوە ئەرکى سەرشانى حکومەتى هەرێمى کوردستانە.
ده‌توانن گوێبیسـتی ده‌قی ڕاپـۆرته‌كه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی سه‌ره‌وه‌ی ده‌سته چه‌پ، ماوه‌كه‌ی 2:55 خوله‌كه.
