دەستێوەردانى ئێران لە کاروبارى عێراق بە تایبەتیش دوایین لێدوانى قاسم سولەیمانى فەرماندەى فەیلەقى قودسى ئێرانى کە گوتبوى تاران دەتوانێت بە ئاسانى دەست بگرێت بەسەر سیاسەتدا لە باشورى لوبنان و عێراق و ئەو دوو وڵاتە بخاتە ژێر ڕکێفى خۆیەوە، کاردانەوەى توندى لێ کهوتۆتهوه و لە بەیاننامەیهکدا کە 18 پارت و لایەنى سیاسى لە موسڵ دەریانکرد بە توندى ئەو دەستێوەردانەى ئێران رەتدەکەنەوە و داوا لە حکومەتى عیراق دەکەن کەوا بە زووترین کات هەڵوێست لە بەرامبەر ئەو دەستێوەردانە دەربڕێت و باڵیۆزخانەى ئێران لە بەغدا دابخات و پەیوەندیـیە بازرگانى و دیپـلۆماسیـیەکان لەگەڵ ئێران بپچڕێنێت.
لە لایەکى ترەوە بزوتنەوەى داد و چاکسازى لە موسڵ بە ڕێگاى بڵاوکردنەوەى پۆستەر و بڵاوکراوە هەڵمەتێکى فراوانى لە سەرانسەرى موسڵ دەستپـێکرد بۆ بایکۆتکردنى کڕینى هەموو کەلەوپەل و کاڵایەکى ئێرانى.
عەبدوڵڵا جبورى گوتەبێژى بزوتنەوەى داد و چاکسازى لە لێدوانێکیدا بۆ دەنگى ئەمهریکا دەڵێت ئەو لێدوانەى قاسم سولهیمانى چاوەڕوانکراو بوو، چونکە ئێران خۆى بە خاوەنى عێراق دەزانێت و ئەوە ڕاستیشە کە خاوەنى عێراقە چونکە هەموو بڕیارەکانى حکومەتى عێراق لە ئێرانەوە دەردەچن نەک لە بەغدا ناوبراو هەڕەشەى ئەوەش دەکات ئەگەر حکومەتى عێراق نەیەتە دەنگ و پەیوەندیە بازرگانیـیەکانى لەگەڵ ئێران نەپچرێنێت ئەوا ئێمە پەیوەندی لەگەڵ حکومەتى عێراق دەپچڕێنین.