Accessibility links

موسڵ ئیدانەى بۆردومانەکانى سنووره‌کانی هەرێمى کوردستانی عێراق ده‌کات

  • VOA News

موسڵ ئیدانەى بۆردومانەکانى سنووره‌کانی هەرێمى کوردستانی عێراق ده‌کات

موسڵ ئیدانەى بۆردومانەکانى سنووره‌کانی هەرێمى کوردستانی عێراق ده‌کات

پانتایى ناڕەزایەتیـیەکان بەرامبەر بەردەوامى تۆپـبارانکردنى سنوورى هەرێمى کوردستان لە لایەن هەردوو وڵاتى تورکیا و ئێران هەروا دێت و فراوانتر دەبێت.

ئەنجومەنى پارێزگاى موسڵیش هاتە دەنگ و بە توندى مەحکومى ئەو دەست‌درێژیانە دەکات بۆ سەر خاکى عێراق لە سنوورى هەرێمى کوردستانه‌وه‌. عەبدولڕەحیم شەمەرى سەرۆکى لیژنەى ئاسایش و بەرگرى لە ئەنجومەنى پارێزگا به‌ دەنگى ئەمریکای گوت پـێویستە خاکى عێراق لە هەموو لایەکیەوە بێتە پاراستن بە ڕێگاى سوپاکەیەوە لەسەر سنورەکانى بڵاوەبکرێت و بەرپەچى هەموو دەست‌درێژیـیەکانى بدرێتەوە و هەروەها دەڵێت لە هەموو حاڵەتێک پێویستە هەماهەنگى لە نێوان هەردوو حکومەتى هەرێم و حکومەتى ناوەند هەبێت بۆ چارەسەرکردنى کێشەکانى سەر سنوور. دەشڵێت ئێمە وەکو ئەنجومەن وێڕاى ئیدانەکردنى ئەو دەست‌درێژیـیانە ئامادەیى خۆشمان دەردەبڕین بۆ هەموو جۆرە هاوکاریەک بە تایبەتى بۆ ئاوارەبوان و لێقەوماوان.

قەحتان سامى وتەبێژى پارێزگاى موسڵیش به‌ دەنگى ئەمریکای گوت پارێزگار هەست بە نیگەرانى دەکات بەرامبەر بەو هێرشانە و کوشتن و ئاوارەبوونى هاوڵاتیانى سیڤیل هەروەها ئامادەیشى دەربڕیوە بۆ یارمەتىدانى لێقەوماوان.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 2:59 خوله‌كه‌.

بابه‌تی په‌یوه‌ندیدار

XS
SM
MD
LG