Accessibility links

ئه‌مبه‌رین زه‌مان: ئاماژه‌ هه‌ن دره‌وشانه‌وه‌که‌ی ئاکه‌په‌ ڕوو له‌ کزی بێت

  • Balen Salih

ئه‌مبه‌رین زه‌مان: ئاماژه‌ هه‌ن دره‌وشانه‌وه‌که‌ی ئاکه‌په‌ ڕوو له‌ کزی بێت

ئه‌مبه‌رین زه‌مان: ئاماژه‌ هه‌ن دره‌وشانه‌وه‌که‌ی ئاکه‌په‌ ڕوو له‌ کزی بێت

له‌م هه‌ڵمه‌تانه‌ی هه‌ڵبژاردندا له‌ تورکیا، جه‌هه‌په‌ که‌ یه‌کێکه‌ له‌ پارته‌ سه‌ره‌کیه‌کانی ئۆپزسیۆن له‌ تورکیادا، گوتاری سیاسی خۆی گۆڕیوه‌ به‌ تایبه‌ت به‌رامبه‌ر به‌ کێشه‌ی کورد له‌و وڵاته‌دا و چۆنیه‌تی چاره‌سه‌رکردنیشی.

ئه‌مبه‌رین زه‌مان ، ڕۆژنامه‌وان و ئابوریناسی تورک ده‌ڵێت هه‌رچه‌نده‌ به‌شداری پێکردنی هه‌ندێک له‌ گومانبارانی ئه‌رگه‌نه‌کون وه‌ک کاندید بۆ ئه‌م هه‌ڵبژاردنانه‌ی ڕۆژی یه‌کشه‌ممه‌ی تورکیا له‌لایه‌ن جه‌هه‌په‌وه‌ کارێکی ناهه‌مواره‌ و له‌ جێی خۆیدا نه‌بووه‌ ، به‌ڵام با سه‌نگیی زیاتر بخرێته‌ سه‌ر په‌ره‌سه‌ندنه‌ پۆزه‌تیفه‌کانی ناو جه‌هه‌په‌.

ئه‌مبه‌رین زه‌مان ده‌شڵێت پێده‌چێت یه‌کێک له‌ مشت و مڕه‌ گه‌رم و گوڕه‌کانی ناو په‌رله‌مانی نوێی تورکیا له‌سه‌ر ئه‌و به‌نده‌ی ده‌ستوری وڵاته‌که‌ بێت که‌ تایبه‌ته‌ به‌ پێناسه‌کردنی هاووڵاتی بوون له‌ تورکیادا.

ئه‌م ڕۆژنامه‌ نوس و ئابوری ناسه‌ی تورکیا ده‌شڵێت، ده‌شێت له‌ په‌رله‌مانی نوێی تورکیادا کورده‌کان بببنه‌ خاوه‌نی نزیکه‌ی سی کورسی په‌رله‌مان و هه‌رچی پارتی داد و گه‌شه‌پێدانیشه‌ وه‌ک ده‌ڵێت له‌و بڕوایه‌دا نییه‌ بتوانێت دوو له‌سه‌ر سێی کورسیه‌کانی په‌رله‌مانی تورکیا مسۆگه‌ر بکات ، به‌تایبه‌تیش پاش ئه‌و ڕاگه‌یاندنانه‌ی (ڕه‌جه‌ب ته‌یب ئه‌ردۆگان) که‌ بۆنی ناسیۆنالیزمی لێدێت ، له‌وانه‌ که‌ گوتبووی ئه‌گه‌ر له‌ماوه‌ی ده‌سه‌ڵاتی ئه‌ودا (عه‌بدوڵا ئۆجه‌لان) ڕێبه‌ری زیندانیکراوی پارتی کرێکارانی کوردستان بگیرایه‌ ، ئه‌وا داوی له‌سێداره‌دانی ده‌کرد، ئه‌مه‌ش وه‌ک ئه‌مبه‌رین زه‌مان ده‌ڵێت ، کاریگه‌ریه‌کی نێگه‌تیڤانه‌ی دروستکردووه‌ به‌سه‌ر پارتی داد و گه‌شه‌پێدانه‌وه‌ و هه‌روه‌هاش گومانه‌کانی زیاد کردوه‌ له‌سه‌ر هه‌نگاوه‌کان بۆ چاره‌سه‌ر کردنی کێشه‌ی کورد له‌ تورکیادا.

له‌سه‌ر بنچینه‌ی گفت و گۆکه‌ی له‌گه‌ڵ ڕۆژنامه‌وان و ئابوریناسی تورک ئه‌مبه‌رین زه‌مان، هاوکارمان به‌ڵێن ساڵح ئه‌م ڕاپۆرته‌ی ئاماده‌کردووه‌.

ده‌توانن له‌ ڕێی کلیککردنی ئه‌و فایله‌ ده‌نگیانه‌ی سه‌روه‌ی ده‌سته‌ چه‌پ گوێبیستی ته‌واوی ڕاپۆرته‌که‌ بن که‌ ماوه‌که‌ی 6:36 خوله‌که‌.

بابه‌تی په‌یوه‌ندیدار

XS
SM
MD
LG