Accessibility links

دکتۆر عه‌لی سندی: دانانی ئێزدیه‌کان به‌ نه‌ته‌وه‌ی جودا له‌ کورد له‌لایه‌ن حکومه‌تی هه‌رێمه‌وه‌ ڕه‌ت کراوه‌ته‌وه‌

  • Balen Salih

دکتۆر عه‌لی عوسمان سندی

دکتۆر عه‌لی عوسمان سندی

دکتۆر عه‌لی عوسمان سندی، وه‌زیری پلان دانان له‌ حکومه‌تی هه‌رێمی کوردستانی عێراق ده‌ڵێت هه‌رێمی کوردستان ده‌یه‌وێت سه‌رژمێری گشتی دانیشتوانی عێراق به‌ شێوه‌یه‌کی ڕه‌وا ئه‌نجام بدرێت و بۆ ئه‌و مه‌به‌سته‌ش هه‌نگاوی گونجاو گیراوه‌ته‌ به‌ر بۆ دڵنیا بوون له‌وه‌ی پرۆسه‌که‌ سه‌رکه‌وتوانه‌ بێت.

دکتۆر عه‌لی سندی ، له‌ گفت و گۆکه‌یدا له‌گه‌ڵ هاوکارمان به‌ڵێن ساڵح باسیش له‌وه‌ ده‌کات که‌ هێشتا له‌ ڕووی سیاسیه‌وه‌ هه‌ندێ کێشه‌ له‌گه‌ڵ به‌غدادا ماوه‌ تایبه‌ت به‌ سه‌رژمێریکردنه‌که‌ ، به‌ڵام ده‌شڵێت وتووێژ له‌گه‌ڵ کاربه‌ده‌ستانی عێراقیدا به‌رده‌وامه‌.

سه‌باره‌ت به‌ ئه‌گه‌ر و نه‌گه‌ری دواخستنی سه‌رژمێری کردن له‌و واده‌یه‌ی بۆی دیارکراوه‌ ، وه‌زیری پلان دانانی‌ حکومه‌تی هه‌رێمی کوردستانی عێراق ده‌ڵێت هه‌رچه‌نده‌ هه‌ندێک ده‌نگ هه‌ن که‌ داوای دواخستنی سه‌رژمێری ده‌که‌ن، به‌ڵام چونکه‌ ئه‌مه‌ پرۆسه‌یه‌که‌ له‌ به‌رژه‌وه‌نی هه‌موو وڵاته‌که‌ ، له‌به‌ر ئه‌وه‌ به‌غداش له‌و بڕوایه‌دایه‌ که‌ نابێت سه‌رژمێری کردن دوا بخرێت.

ده‌توانن له‌ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ گوێبیستی ته‌واوی گفت و گۆ‌که‌ بن که‌ ماوه‌که‌ی 23:16 خوله‌که‌.

بابه‌تی په‌یوه‌ندیدار

XS
SM
MD
LG