Accessibility links

له‌ ئه‌نجامی ته‌قینه‌وه‌ی بۆمبێـکی لاڕێ له‌ ئه‌فغانسـتان 14 هاوڵاتی سیڤیل ده‌کوژرێن

  • VOA News

له‌ ئه‌نجامی ته‌قینه‌وه‌ی بۆمبێـکی لاڕێ له‌ ئه‌فغانسـتان 14 هاوڵاتی سیڤیل ده‌کوژرێن

له‌ ئه‌نجامی ته‌قینه‌وه‌ی بۆمبێـکی لاڕێ له‌ ئه‌فغانسـتان 14 هاوڵاتی سیڤیل ده‌کوژرێن

به‌رپرسانی ئه‌فغانی ده‌ڵێن ئه‌مڕۆ له‌ ئاکامی ته‌قینه‌وه‌ی بۆمبێکی چێندراوی نێو جاده ‌به‌ ڕووی ڤانێکدا له‌ پارێزگای هیلماندی باشوری وڵات ، 14 هاوڵاتی سیڤیلی ئه‌فغانی کوژراون.

سه‌باره‌ت به‌ رووداوه‌که‌ وته‌بێژێکی پارێزگای ناوبراو ده‌ڵێت ژن و منداڵان له‌ نێو قوربانیانی ته‌قینه‌وه‌که‌دا بوون، هاوکات ژماره‌یه‌ک له‌ خه‌ڵکانی دیکه‌ برینداربوون.

هه‌ر سه‌باره‌ت به‌م رووداوه‌ی ئه‌مڕۆ به‌رپرسانی هێزه‌کانی ناتۆ ده‌ڵێن؛ بۆمبه‌که‌ له‌ لایه‌ن یاخیبووانه‌وه‌ له‌ ناوچه‌ی " نه‌هروسه‌راج " ته‌قێندراوه‌ته‌وه‌.

ئه‌وه‌ی شایانی باسه‌ حامید کارزای سه‌رۆکی ئه‌فغانی کاری ته‌قینه‌وه‌که‌ی سه‌رزه‌نشت کرد و ئۆباڵی ده‌خاته‌ ئه‌ستۆی دوژمنانی ئه‌فغانستانه‌وه‌.

له‌ لایه‌کی تره‌وه‌، نه‌ته‌وه‌ یه‌کگرتووه‌کان ده‌ڵێت له‌ ماوه‌ی 10 مانگی ئه‌مساڵدا 2412 هاوڵاتی سیڤیلی ئه‌فغانی گیانیان له‌ده‌ستداوه‌ و به‌ ڕێژه‌ی له‌سه‌دا 20 زیاتره‌ به‌ به‌راورد له‌گه‌ڵ ساڵی 2009 دا و نه‌ته‌وه‌ یه‌کگرتووه‌کان ئۆباڵی هه‌ره‌ زۆری کو‌ژراوان و بریندارانی سیڤیلی ئه‌فغانی ده‌خاته‌ ئه‌ستۆی گرووپی میلیشیاکان.‌

بابه‌تی په‌یوه‌ندیدار

XS
SM
MD
LG