Accessibility links

هێرشی خۆکوژی ده‌کرێنه‌ سه‌ر سه‌ربازانی ئه‌فغانی

  • VOA News

پاشـماوه‌ی ئه‌و پاسه‌ی له‌ کابوڵ له‌ لایه‌ن دوو خۆکوژه‌وه‌ هێرشی کرایه‌ سه‌ر، یه‌کشه‌ممه‌ 19 ی دوازده‌ی 2010

پاشـماوه‌ی ئه‌و پاسه‌ی له‌ کابوڵ له‌ لایه‌ن دوو خۆکوژه‌وه‌ هێرشی کرایه‌ سه‌ر، یه‌کشه‌ممه‌ 19 ی دوازده‌ی 2010

کاربه‌ده‌سـتانی ئه‌فغانی ده‌ڵێن ڕۆژی یه‌کشه‌ممه‌ له‌ کابوڵی پایته‌خت دوو هێرشبه‌ری خۆکوژ بۆسه‌یه‌کیان بۆ پاسێـک ناوه‌ته‌وه‌ که‌ سه‌ربازی ئه‌فغانی هه‌ڵگرتبوو و له‌ ئاکامدا 5 که‌س له‌ هێزه‌کانی له‌شـکریان کوشتوو و 9 ی دیکه‌شیان بریندارکردووه‌.

کاربه‌ده‌سـتان ده‌ڵێن له‌ سه‌ره‌تادا دوو هێرشبه‌ره‌که‌ به‌ کڵاشینکۆف ته‌قه‌یان له‌ پاسه‌که‌ کردووه‌ و پاشـان یه‌کێـکیان خۆی ته‌قاندۆته‌وه‌، به‌ڵام ئه‌وی دیکه‌یان به‌ر له‌وه‌ی خۆی بته‌قێنێته‌وه‌ کوژراوه‌.

هه‌ر ڕۆژی یه‌کشه‌ممه‌ و له‌ هێرشێـکی دیکه‌ی دژی له‌شـکری ئه‌فغانی، چوار خۆکوژ خۆیان کردووه‌ به‌ ناوه‌ندێـکی سه‌ربازی له‌ هه‌رێمی کوندوز و 3 سه‌رباز و 2 پـۆلیسیان کوشتووه‌.

کاربه‌ده‌سـتان ده‌ڵێن به‌ لایه‌نی که‌م یه‌ک له‌ هێرشبه‌ره‌کان له‌ په‌لاماره‌ سه‌ره‌تایـیه‌که‌ ڕزگاری بووه‌. ده‌شڵێن بۆ چه‌ند کاتژمێرێـک شه‌ڕه‌ ته‌قه‌ له‌ ناو سه‌ربازه‌گه‌که‌ ڕوویداوه‌.

تاڵیبان به‌رپـرسیارێتی خۆی له‌ هه‌ردوو هێرشه‌که‌ ڕاگه‌یاند.

XS
SM
MD
LG